– Eger karantın jaǵdaıynda biz qylmys deńgeıiniń tómendegenin baıqasaq, órt oqıǵalary sol burynǵy qalpynda.
Bıylǵy jyldyń birinshi toqsanynda órt sany bir oqıǵaǵa ǵana azaıyp, barlyǵy 138 órt oqıǵasy tirkeldi, 3 adam qutqarylyp, 58 adam qaýipti aımaqtardan evakýasııalandy. Kún saıyn telearnalardyń kómegimen úıdegi karantın kezinde órt qaýipsizdiginiń qarapaıym erejelerin saqtaý qajettiligi týraly eskertip otyramyz!
Alaıda, kún ysýyna baılanysty qurǵaq shópter men qoqystardyń órtenýi oryn alyp otyr. 1 aqpannan bastap qurǵaq shóptiń janýyna qatysty175-ten astam jaǵdaı tirkelgen, jalpy aýdany 29 ga-dan astam, bul ótken jyldyń osy kezeńimen salystyrǵanda 13%-ǵa artyq. Qurǵaq shópterdiń órtenýi kóbine Túrksib, Alataý, Medeý aýdandarynda oryn alady, deıdi Almaty qalasy Tótenshe jaǵdaılar Departamentiniń basshysy.
Bıyl 31 naýryzda qala Ákimshiliginde Tótenshe jaǵdaılardyń aldyn alý jáne olardy joıý jónindegi komıssııanyń otyrysy ótken, onda tabıǵı órtterdiń aldyn alýǵa baǵyttalǵan sharalar kesheni bekitilip, naqty tapsyrmalar berildi.
Kúshter men qurylymdardyń jaýyngerlik daıyndyq deńgeıin arttyrý úshin TJ Departamentinde tabıǵı órtterdi sóndirýge arnalǵan jedel áreket etýshi top quryldy.
Tutastaı alǵanda, taý-orman alqabynda joǵary deńgeıdegi órt týyndaǵan jaǵdaıda ony sóndirýge 300-den astam jeke quram, joǵary qozǵaltqyshtaǵy 23 birlik tehnıka jumyldyrylyp, 500 qapshyqtaǵy órt sóndirgishi, 500 kúrek jáne 156 jarylǵyshtar daıyn.
Ile Alataýy MUTP balansynda 6 órt munarasy, 1 órt sóndirý kóligi, 4 motor sorǵysy, 88 qapshyqtaǵy órt sóndirgish, 1263 jarylǵysh, 106 balta, 4 bilezik tizbek jáne 322 kúrek bar.
О́rtterdi sóndirý jáne avarııalyq-qutqarý jumystaryn júrgizý úshin Almaty qalasy Ákimdigi 109 Qutqarý qyzmetiniń jáne QR IIM TJK «Qazavıaqutqarý» AQ-yń tikushaqtary qatysady.
Taýly-ormandy jerlerde órtterdiń aldyn alý úshin jyl saıyn jergilikti polısııamen birlesip patrýldeý júrgiziledi. О́tken jyly 400-den astam ot jaǵý jaǵdaıda tyıym salyndy, 35 jeke tulǵa ákimshilik jaýapkershilikke tartyldy.
– Osy múmkindikti paıdalanyp jeke turǵyn úı sektorynyń turǵyndaryna kóktem-jaz maýsymyna daıyndyq kezinde órt qaýipsizdigi talaptaryn eskerý kerektigin aıtqym keledi. Baý-baqshadaǵy qurǵaq shópter, japyraqtar men qoqystardy jaǵý kóbinese ǵımarattarda órttiń paıda bolýyna ákeledi. Kináli adamdar ákimshilik jaýapkershilikke, al aýyr zardaptar týyndaǵan jaǵdaıda qylmystyq jaýapkershilikke tartylady, – dedi Almaty qalasy Tótenshe jaǵdaılar Departamentiniń basshysy, órtke qarsy qyzmetiniń general-maıory Serik Áýbákirov.
