Búginde ózektiligi artyp kele jatqan qyzmet túriniń biri kólikti onlaın tárkeý bolyp otyr. «Azamattarǵa arnalǵan úkimet» MK málimetine súıensek Qazaqstanda karantın kezinde egov.kz portaly arqyly 4 306 avtomobıl tirkelgen. Jekeleı qalalarda bul qyzmetti qoldaný sany da artyp keledi. Onyń 271-i Almaty qalasynyń úlesinde.
«Mamandandyrylǵan HQO-lar karantınge jabylǵannan keıin qala turǵyndary 1414 ortalyǵyna da, áleýmettik jelidegi paraqshalarymyzǵa da satyp alǵan kólikti qalaı tirkeýge bolady degen saýaldaryn qaıǵan bolatyn. Egov.kz (http://%D0%95gov.kz) portalynda kólik quraldaryn tirkeý qyzmeti baryn aıtyp, endi turǵyndardyń kópshiligi sharýalaryn sanaýly ýaqyttyń ishinde, úılerinde otyryp-aq bitirip jatyr. Buryn kóbisi kólikti avtoHQO-da tirkeýdi jón kóretin. О́ıtkeni, solaı qalyptasyp qaldy. Al qazir ýaqyt basqa», – dedi «Azamattarǵa arnalǵan úkimet» memlekettik korporasııasy Almaty qalalyq fılıalynyń dırektory Danııar Qyryqbaev.
Eske sala ketsek, bıylǵy jyldyń 26 naýryzynan bastap Qazaqstandaǵy halyqqa qyzmet kórsetý ortalyqtary men avtoHQO-dyń jumysy toqtatylǵan. El turǵyndary memlekettik qyzmetterdi tek elektrondyq úkimet portalynda ala alady.
Kólikterdi qaıta tirkeý qyzmeti egov.kz portalynda «Kólik jáne kommýnıkasııalar» bóliminde qoljetimdi. Ony onlaın rejıminde alý úshin satýshy ESQ-ny paıdalanyp, egov.kz portalyna kirip, satylatyn kólik týraly aqparatty engizip, aıyppuldar men salyqtar boıynsha bereshekti tekserýge suranys jiberýi kerek. Eger bar bolsa, elektrondyq úkimet portaly arqyly tólep, ótinishke ESQ-men qol qoıady. Osydan keıin satyp alýshy elektrondy úkimet portalyndaǵy jeke kabınetindegi ótinishpen tanysa alady, onda aıyppuldardy tekserip bolǵannan keıin memlekettik nómir jáne tehpasport úshin tıisti alymdar men tirkeý jarnasyn tóleýi tıis. Satyp alýshy mámileni óziniń elektrondyq sıfrlyq qoltańbasymen rastaıdy.
Keıin Almatydaǵy Maılın kóshesi, 85 meken-jaıyndaǵy avtoHQO-ǵa tek daıyn bolǵan nómir men tehnıkalyq tólqujatty alyp ketý úshin barady.
