Ádistemeni Semeı medısına ýnıversıtetiniń ǵalymy, medısına ǵylymdarynyń doktory, reanımatolog Marat Syzdyqbaev óziniń atalǵan joǵary oqý ornyndaǵy áriptesterimen birlesip jazǵan.
Ol ózi ázirlegen ádistemesine avtorlyq quqyq almasa da, jańalyǵymen bólisip, ıgiligin eldiń, qoǵamnyń kóre bergenin qalaıdy.
Marat Syzdyqbaev:
«Qalamyzdaǵy eń alǵash aýyrǵan erli-zaıyptylarǵa osy ádisteme qoldanyldy. Ásirese juqpaly dertpen aýyrǵan er adam aýyr halde bolǵan, qazir jazylyp, aıaqqa turdy. Endi osy ádistemeni elimizde qoldansaq, paıdasyn beretinine senimdimiz. Ári ashyq túrde álemniń kez kelgen mamandary qoldanýy úshin de taratamyz», deıdi Qazaqstan ulttyq arnasyndaǵy áriptesimizge bergen suhbatynda.
Semeı medısına ýnıversıtetiniń rektory Ersin Júnisov te mamandaryn óz kezeginde qoldap, ádistemeniń keńinen taralýy úshin elimizdegi áriptesterin jańalyqtan habardar etip jatqanyn aıtady. Budan bólek ýnıversıtettiń bilikti ǵalymdary Semeıdegi ınfeksııalyq aýrýhananyń pandemııamen kúresip júrgen dárigerlerine táýlik boıy tolassyz keńes berip otyrý maqsatynda arnaıy top qurǵan. Ýnıversıtet ǵalymdary qaýipti indetti juqtyrǵan naýqastardy emdep jatqan elimizdiń barlyq dárigerlerine keńes berýge ázir ekenin jetkizdi.
