QAZYNALY TÚBEKTE QARQYNDY JOBALAR BAR

Keshe Premer-Mınıstrdiń orynbasary – Indýstrııa jáne jańa tehnologııalar mınıstri Áset Isekeshov Mańǵystaý  oblysynda jumys saparymen boldy. Vıse-premer jumys sapa­ryn Kaspıı teńiziniń qazaq­stan­dyq bóliginde jumys jasaıtyn munaı kompanııalaryna túrli qyz­met kórsetetin kásiporyn­dar­dy aralaý­men bastady. Alǵashqy tanystyq “Mak­dermot” metall qurastyrý za­ýytynyń qurylys alańy men bur­ǵylaý ertindilerin daıyndaý, sha­­ǵyn kemelerdi jóndeý zaýyty­nyń jobalary boldy. Sondaı-aq ja­qyn aılarda iske qosylýǵa tıisti  “At­ash” teńizdegi munaı operasııa­la­ryn qoldaý bazasynyń quryly­sy­na zer sal­dy. Aqtaýda ákimdikte ser­pindi jobalardy jan-jaqty  ke­ńinen tal­qylaǵan májiliske mı­nıstr­lik­ter, ulttyq kompanııalar men ak­sıonerlik qoǵamdar bas­shy­lary men ókilderi qatysty. Onda óńirde qolǵa alynǵan serpindi jo­balar “Aq­­taý Sıtı”, “Kaspıı en­er­getı­ka­lyq habi”, “Kendirli” de­ma­lys aımaǵynyń, sondaı-aq Aq­taý bıtým zaýyty, “Jańa О́zen-Túrkimenstan” temir joly, Aqtaý halyqaralyq áýejaıynyń ushyp-qoný alańy, Aqtaý gaz-beton zaýy­ty, “Cha-Kýr” far­masevtıkalyq fırmasy, Beı­neý­degi qurama-jem zaýyty t.b. jo­balardyń júzege asý barysy jaıly keleli keńes boldy. Onda oblys áki­mi Qyrymbek Kó­sher­baev, kompanııa basshylary óza­ra oı-pikir alysty. Kóptegen má­selelerdi tezdetip, oń sheshý jol­daryn ortaǵa saldy. Al keshkilik ákim­dikte taýar­lar men qyzmetter sa­typ alýda qa­zaq­standyq úlesti art­­tyrý jáne Kaspıı qaı­rańyn ıge­rýde qazaq­standyq sektor­dyń of­fshor­lyq jo­balaryna qyz­met kór­setýde jaǵalaý ınfraqury­ly­myn damytý máse­lelerine arnal­ǵan keńes ótti. Jolaman BOShALAQ. Aqtaý.