Shekteý astyq baǵasyn turaqtandyrýǵa, memlekettiń astyq jáne óńdelgen ónimderge ishki qajettiligin qamtamasyz etýge yqpal etedi. Mınıstrliktiń málimetinshe, shekteýler eldegi memlekettik baǵdarlamalarǵa jáne aýylsharýashylyq ónimderin eksporttaý kórsetkishine áser etpeıdi.
31 naýryzda úkimet Reseıden birqatar daqyldardy eksporttaýǵa kvotalar engizý týraly qaýly qabyldaǵan bolatyn. Kvota kólemi - 7 mıllıon tonna. Buǵan deıin, 17 sáýirde Reseı Aýyl sharýashylyǵy mınıstrligi astyq kvotasy mamyr aıynyń ortasynda aıaqtalady dep boljaǵan-dy. 12 sáýir men 30 maýsym aralyǵynda EAEO-da birqatar azyq-túlik ónimderin eksporttaýǵa tyıym salý bastalǵany belgili. Astyq kvotasynan basqa, sáýirde Mınıstrler Kabıneti 2020 jáne 2021 jyldary astyqqa ıntervensııa jasaýǵa ruqsat berdi. Memlekettiń aralasýy aıasynda Aýyl sharýashylyǵy mınıstrligi ishki naryqqa 1,5 mln tonnaǵa deıin astyq jiberýdi josparlap otyr.
