Osyǵan baılanysty, Almaty qalasy Qoǵamdyq densaýlyq basqarmasy janyndaǵy KVI-ǵa oń taldaýy bar pasıentterdiń Qaıǵyly aıaqtalǵan jaǵdaılaryn zerdeleý jónindegi komıssııa (QBJZK) bul jaǵdaıdy KVI sebebinen qaıtys bolý jaǵdaıyna jatqyzbaý týraly sheshim qabyldady.
Almatyda búginge deıin 96 adam emdelip shyqty, onyń ishinde 6 bala bar.
Keshe I.S.Jekenova atyndaǵy Qalalyq klınıkalyq juqpaly aýrýlar aýrýhanasynyń fılıaly (budan ári – Juqpaly aýrýlar aýrýhanasy) COVID-19 vırýsyn juqtyrǵan pasıentterdi qabyldaı bastady. Qazir munda 43 naýqas bar.
Modýldik keshende palatalarda teris qysym jasaıtyn jeldetý júıesi jumys isteıdi: vırýstary bar aýa palatadan tys jerge enbeıdi, ol arnaıy zararsyzdandyrý júıelerine túsedi.
Palatalarda germetıkalyq esikter ornatylǵan, káriz júıesin tazalaýdyń erekshe júıesi jumys isteıdi.
Bul aýrýhananyń 280 tósek-orynǵa eseptelgenin esterińizge sala keteıik. Qurylymyna 9 klınıkalyq bólimshe, 28 tósek-oryndyq reanımasııa bólimshesi, dalaǵa jeke shyǵatyn 11 oryndyq palatalar, bes oryndyq dınamıkalyq baqylaý palatalary bar qabyldaý bólimshesi kiredi.
ALMATY
