HQO qyzmetkerleri Álııanyń janynda bolyp, barynsha dem beredi. Jedel jerdem kelgen bette ol perınataldyq ortalyqqa jetkizilip, eki qyzdy dúnıege ákeledi. Osylaısha ata-anasymen birge, tuńǵysh uldary Álı bir kúnde qos qaryndasty, HQO qyzmetkerleri «eki qyzdy» bolyp qýanǵan edi.
Álııa bosanyp, perzenthanadan shyǵatyn kúni «Azamattarǵa arnalǵan úkimet» memlekettik korporasııasy Almaty fılıalynyń qyzmetkerleri egizdiń dúnıege kelýimen quttyqtap, olardyń úlken otbasylaryna densaýlyq pen amandyq tilegen. Sol kezde fılıal qyzmetkerleri «bul egizder bizdiń de qyzdarymyz bolsyn» dep kelisken.
Osylaısha qasıetti Ramazan aıynda Ystambuldan sálem joldap otyrǵan – «HQO-nyń qyzdary» atanǵan Esma men Elıf eken.
Egizderdiń anasy Álııa Altýnıaı karantın kezinde alańdap, ári HQO qyzmetkerlerine qoldaý bildireıin dep sheshipti. «Sizderge Alla rıza bolsyn! Alǵysymyz sheksiz! Biz sizderdi jaqsy kóremiz! Biz sizdermen birgemiz!» delingen habarlamada. Jáne osy sózdermen qoldan salynǵan balalar sýretin joldapty.
«Men egizderge «Sender HQO-nyń» qyzdarysyńdar. HQO mamandarynyń der kezinde jedel járdem shaqyryp, meni perzenthanaǵa ýaqytynda jetkizbegende, sender týylar ma edińder, týylmas pa edińder dep qoıamyn. Túsinse de, túsinbese de kúlip qoıady...», – deıdi Álııa Altýnıaı.
Egizderge ata-anasy Esma men Elıf dep at bergen. Iаǵnı, túrik tilinen aýdarǵanda – «jomart» jáne «sabyrly» dep aýdarylady.
Sodan beri HQO-nyń qyzmetkerleri «qyzdarynyń» jaǵdaıyn surap, egizderdiń anasy Álııamen habarlasyp turady... Álııa da rızashylyq sezimmen únemi baılanysyn úzbegen.
«Esma pen Elıf ósip keledi. Qazir eki jarym jasta, kóp nárseni túsinedi. О́te belsendi, tipti tym belsendi desem bolady. Bir ornynda otyrmaıdy, bárin bilýge, kórýge qushtar. Qazir sońǵy tisteri shyǵyp keledi, soǵan azdap mazasyzdanatyndary bolmasa, óte kóńildi balalar», – deıdi anasy.
ALMATY
