Balalar aýrýhanasynyń hırýrgııa bólimshesiniń meńgerýshisi Sultanbek Tumashevtyń aıtýynsha, alǵashynda jan saqtaý bólimine túsken qos sábıge keshendi em alýy úshin barlyq jaǵdaı jasalǵan bolatyn.
О́mirge kelgennen keıin jeti kúnnen soń 4 aılyq sábıde dárigerler ishten týǵan jaryq kóketi paıda bolǵanyn anyqtaǵan. Bul óz kezeginde tynys jetkiliksizdigine ákelip soqqan, sonyń nátıjesinde jaǵdaıy kúrt nasharlaǵan.
- Shyn mánisinde bul óte aýyr patologııa jáne mundaı jaǵdaıda kóbine otany keıinge qaldyrýǵa týra kelip jatady, ıaǵnı jańa týǵan bala eń bolmaǵanda úsh jasqa shyǵýy tıis. Bul dıagnozben balanyń jaǵdaıy kun ótken saıyn nasharlaı túsedi jáne kútpegen jerden, ásirese túngi ýaqytta qaıǵyly oqıǵanyń oryn alýy ǵajap emes. Operasııany bastamas buryn oılana kele toraskopııaǵa júgingendi jón sanadyq, sebebi bul ota jasaýdyń eń tıimdi joly. Barlyǵy oıdaǵydaı ótken soń kishkentaı sábı bizdiń aýrýhanada 30 kúnnen astam boldy, jaǵdaıy jaqsarǵan soń úıine jiberdik, deıdi Sultanbek Tumashev.
Ekinshi náreste Mańǵystaý aýdany Shetpe aýylynan sanıtarlyq avıasııanyń kómegimen oblystyq balalar aýrýhanasyna jetkizilgen bolatyn.
- Búldirshinde kókek kemistigi bar ekendigin anyqtadyq. Juqa jáne qalyń ishek ókpege ótip ketken, al júregi bolsa oń jaq betke jyljyǵan. Ota kezinde ishekti tolyǵymen tómengi jaqqa túsirdik. Týa bitken ishek patologııanyń bolýyna baılanysty araǵa úsh kún salyp sábıge qaıta ota jasaýǵa týra keldi. Anasynyń aıtýynsha júkti kezinde ol úsh ret ýltradybystyq zertteýge júgingen, soǵan qaramastan mamandar patologııany anyqtaı almaǵan. Ota sátti ótken soń búldirshin aýrýhanada 20 kún jatyp emin jalǵastyrdy, qazir onyń densaýlyǵyna alańdamaýǵa bolady, dedi óz sózinde Sultanbek Tumashev.
Dárigerler búgingi tańda kishkentaı naýqastar ózderin jaqsy sezinetinin, aldaǵy ýaqytta qosymsha ota jasaý qajettiligi joq ekendigin aıtady. Qos sábı aıyǵyp, úılerine jiberildi.
Mańǵystaý oblysy
