Agenttiktiń 1-departamenti basshysynyń orynbasary Baýyrjan Balǵabekov óz sózinde «Memsaraptama» basshylary men sarapshylarynyń áleýmettik mańyzdy jáne jaýapty qyzmet atqaryp otyrǵanyn atap ótti.
«Memsaraptama» basshylary men sarapshylary sybaılas jemqorlyqqa qarsy joǵary qorǵanysy bar adaldyqtyń, parasattylyq pen satylmaýshylyqtyń úlgisi bolýy tıis.
Sonymen qatar, 1-departamenttiń tergeý basqarmasynyń basshysy Danııar Aqýan óz baıandamasynda, 2019 jyldan agenttiktiń óndirisinde «Aqtaý qalasynyń qurylys bólimi» MM jáne «Memsaraptama» RMK Batys óńiri boıynsha fılıalynyń laýazymdy tulǵalaryna qatysty laýazymdyq ókilettikterin asyra paıdalaný faktisi boıynsha qylmystyq is bolǵanyn atap ótti.
Tergeý barysynda, 2017 jyldyń qyrkúıek aıynda «Memsaraptama» RMK Batys óńiri boıynsha fılıalynyń laýazymdy tulǵalary jobalyq smetalyq qujatqa oń qorytyndy shyǵarý barysynda qatelikter jiberý saldarynan Aqtaý qalasyndaǵy kárizdik kollektor qurylys jumystaryna jumsalatyn materıal shyǵynynyń jobamen 500 mln teńgege artýyna jol bergeni anyqtalǵan. Bul jobanyń 2019 jyly iske qosylǵanyn aıta ketken jón.
Tergeýmen Qylmystyq-prosestik kodekstiń 200 babynyń talaptaryna sáıkes usynym joldanyp, nátıjesinde jobalyq smetalyq qujattyń shyǵyndy azaıtý bóliginde túzetýler engizildi. Osylaısha, jarty mıllıard teńge kóleminde bıýdjet qarajatynyń negizsiz aýdarylýyna jol berilmedi.
Osyǵan oraı, eleýli zııan kelmegendikten, qylmystyq quqyq buzýshylyq quramynyń belgileri bolmaýyna baılanysty qylmystyq is toqtatyldy.
Oń qorytyndy shyǵarǵan «Memsaraptama» RMK Batys óńiri boıynsha fılıalynyń basshysy men sarapshysy qatań tártiptik jaýapkershilikke tartyldy.
Sonymen qatar agenttikpen jobalyq smetalyq qujatqa vedomstvadan tys saraptama júrgizý kezinde zań buzýshylyqqa jol bermeý maqsatynda zań bólimindegi komplaens sektoryn «Memsaraptama» RMK-niń jeke qurylymdyq bólimshesine bólý týraly usynys jasaldy.
Atalǵan usynys mekeme basshylyǵymen taıaýda qaralatyn bolady.
