KELELI ISKE – KEMEL KО́ZQARAS

Keshe Astanada Premer-Mınıstrdiń birinshi orynbasary О́mirzaq Shókeevtiń tóraǵalyǵymen Kedendik odaq jumysyna baılanysty máselelerge Qazaqstannyń qatysýyna arnalǵan dóńgelek ústel bolyp ótti. Oǵan Reseı Federasııasy О́nerkásip jáne saýda mınıstri V.Hrıstenko, sonymen qatar Qazaqstan-Reseı bıznes qaýymdastyq ókilderi qatysty. Dóńgelek ústel formaty mańyzdy taqyryptardy sheshý men talqylaýǵa arnalǵan keńes túrinde ótti. Aldymen sóz alǵan Premer-Mınıstrdiń birinshi orynbasary О́.Shókeev bıylǵy jyldyń ekonomıkadaǵy basty oqıǵasy kedendik birlestiktiń qurylýy dep atap ótti. Biz Ke­den­dik odaqty qurý boıynsha jan-jaqty túsindirý jumys­ta­ryn júrgizip kelemiz. Degenmen birlestikti túsindirýde, qurý barysynda aqparat tapshylyǵy seziledi. Osyǵan baılanysty biz memlekettik organdar men  bız­nes qurylymdarynyń birlesken keńesterin jıi ótkizý qajet dep sanaımyz, dedi О́. Shókeev. Al Reseıdiń О́nerkásip jáne saýda mınıstri V.Hrıstenko Qazaqstan men Reseıdiń Úkimet basshylary ekijaqty suhbat júrgizýdi belsendirýge arnalǵan sheshim qabyldanýyn mańyzdy ári durys sheshim dep qabyl­daı­tyndyqtaryn jetkizdi. Kedendik odaqtyń qurylýy men odan ári Birtutas ekonomı­kalyq keńistikke ótý eki máse­leni sheshýi tıis dep atap ótken V.Hrıs­tenko olarǵa toqtalyp ótti. Birinshiden, birlestikke múshe elder aýmaǵynda bızneske degen kedergilerdi joıýǵa, son­daı-aq shekteýlerdi alyp tastaý máselesi bolsa, ekinshisi –  KO elderi kásiporyndaryn ózge ry­noktarda básekelestikke qa­biletti bola alatyn deńgeıge jetkizý. Venera TÚGELBAI.