Departament osy jylǵy naýryzdyń basynda jergilikti atqarýshy organdarmen birlesip, sý tasqyny qaýipi basym aýdandarǵa qosymsha kúsh jumyldyrý týraly sheshim qabyldaǵan bolatyn. О́ńirdiń tórt aýdanyna tıisti sharalar uıymdastyrý úshin 142 qutqarýshy jiberildi.
–Tótenshe jaǵdaılar departamenti jergilikti atqarýshy organdarmen birlesip, sý tasqyny kezeńinde apattan qutqarý jumystaryn júrgizý úshin úlken kúsh jumyldyrdy. Atap aıtqanda, 2410 adam, 1058 tehnıka, 60 súńgýirshi, 251 motopompa sý basý qaýpi joǵary aımaqtarǵa jiberildi. Ásirese, bıylǵy jyly Astrahan, Atbasar, Arshaly, Selınograd aýdandaryndaǵy jaǵdaı asa kúrdeli boldy. Qutqarýshylarǵa qalyptasqan tótenshe jaǵdaıdy joıý mindeti qoıyldy. Atqarylǵan jumys zaıa ketpeı, sý deńgeıi tómendep, qutqarýshylar keri qaıtýda. Aqmolalyq qutqarýshylar men jergilikti atqarýshy organdardyń birlesken áreketiniń nátıjesinde bir de bir úıdi sý basýyna jol berilmegenin atap ótkim keledi, deıdi Aqmola oblysy tótenshe jaǵdaılar departamentiniń bastyǵy Alekseı Sovetov.
Sondaı-aq Astrahan aýdanyndaǵy Staryı Kolýton selosynyń turǵyny Petr Podoksenov jurtshylyq atynan jazylǵan hatynda el alǵysyn bylaısha bildiripti: «Tótenshe jaǵdaı qyzmetkerlerine shyn júrekten alǵysymyzdy bildiremiz.Olar tynbastan táýlik boıyna sý tasqynyna baqylaý jasap, úılerdiń aınalasyna qumnan bógender qoıdy. О́zen erneýinen asyp, úılerge taıap qalǵan sýǵa tosqaýyl qoıyp, qaýiptiń betin qaıtardy».
Tabıǵat apatymen eki aı boıy kúresip, júktelgen mindetterdi asa zor jaýapkershilikpen oryndaǵan qutqarýshylardy jergilikti atqarýshy organdar Qurmet gramotalarymen marapattaldy.
