Osydan bir jyl buryn otaǵasynan aıyrylǵan Begaıym Kıikbaevanyń qýanyshynda shek joq. Aýyldaǵy eski úıdi panalap otyrǵan otbasy qaıyrymdylyq qordyń arqasynda 5 bólmeli úıge qol jetkizdi.
«Orazanyń 30 kúninde 30 úıdi tabystaýdy nıet etken qaıyrymdylyq qor nazarynan Keles aýdany tysqary qalmady. Qurylǵanyna 2 jyldyń júzi bolǵan qaıyrymdylyq qordyń shapaǵatyn kórgender kóp. Elimiz boıynsha búgin 186-shy úıdiń kiltin tabystadyq», - deıdi qor músheleri.
Al Shardara aýdany Qyzyl qum aýyldyq okrýgindegi orta mektepti 20 jyl buryn támamdaǵan túlekter qaıyrymdy is jasap, aýyldastaryn qýantty. Búgingi jaǵdaıdy eskerip, mamyr aıyna josparlaǵan 20 jyldyq keshten bas tartýdy jón sanaǵan túlekter oǵan jumsalar qarajatty jınap, muqtajdarǵa járdemdesti. Otaǵasynan aırylyp, asyraýshysyz qalǵan Álibekovter otbasynyń úıin jóndep, esik-terezesin jańartyp, aýlasynan qudyq qazdy. Múgedek balasymen birge turatyn zaǵıp ana aýyldastarynyń qaıyrymdy isine alǵys aıtyp, batasyn berdi. Sondaı-aq, túlekter áleýmettik-turmystyq jaǵdaıy tómen 15 otbasyna azyq-túlik taratty. Saýapty iske olar mıllıon teńgedeı qarajat jumsaǵan.
Túrkistan oblysy
