Atalǵan jedel izdestirý is-sharasy 2020 jyldyń 24-25 sáýirine qaraǵan túni ótkizildi, nátıjesinde vedomstvo qyzmetkerleri qala ortalyǵynda ornalasqan ákimshilik ǵımaratta kelýshiler men onyń qyzmetkerleri arasynan qumar oıyndarǵa qatysqan 30-dan astam tulǵany ustady.
Qumar oıyndary ótetin orynǵa kirý úshin arnaıy ótkizý júıesi áreket etken, ol boıynsha ishke tek turaqty kelýshiler ǵana kire alatyn bolǵan.
Aýmaǵy 1000 sharshy metrden asatyn kazınonyń ishinde tintý is-sharalaryn júrgizý barysynda poker men amerıkalyq rýletkalarǵa arnalǵan 6 ústel, kóptegen oıyn kartalary men fıshkalar, sondaı-aq zańsyz áreketten túsken bir kúndik iri mólsherdegi aqshalaı qarajat alyndy.
Zańsyz oıyn mekemesin uıymdastyrý faktisi boıynsha QR QK 307-babynyń 2-bóligi boıynsha qylmystyq is qozǵaldy.
«Jasyryn kazınoǵa» qatysqan adamdardyń barlyǵyna qatysty tótenshe jaǵdaı rejımin buzý faktisi boıynsha ákimshilik hattamalar toltyryldy.
