Karantın jaǵdaılarynda óńirlerde shekteý sharalaryn kezeń-kezeńimen jeńildetý, sondaı-aq Nur-Sultan jáne Almaty qalalarynyń arasyndaǵy áýe reısterin qalpyna keltirý týraly Memleket basshysynyń tapsyrmasyn iske asyrý sharalaryna qatysty Premer-Mınıstrdiń orynbasary E. Toǵjanov, Indýstrııa jáne ınfraqurylymdyq damý mınıstri B. Atamqulov, Densaýlyq saqtaý mınıstri E. Birtanov baıandady.
Úkimet basshysy Prezıdent Qasym-Jomart Toqaevtyń tapsyrmasyn iske asyrý aıasynda Memlekettik komıssııanyń birqatar sheshimderdi qabyldaǵanyn atap ótti:
1. Barlyq óńirlerde 2020 jylǵy 27 sáýirden, al Shymkent qalasynda bıylǵy 1 mamyrdan bastap qatań sanıtarlyq-epıdemıologııalyq talaptardy saqtaýmen jumysqa kirisetin kásipkerlik sýbektileriniń qyzmet túrleriniń tizimi bekitildi:
-
ónerkásiptik kásiporyndar;
-
qurylys jáne jol qurylysy salalarynyń kompanııalary, iri qurylys dúkenderi;
-
kólik, qoımalaý, aýyl sharýashylyǵy maqsatyndaǵy servıstik, avtokólikterge qyzmet kórsetý salalaryndaǵy uıymdar jáne qyzmet kórsetý salasynyń keıbir túrleri;
-
bankter men qarjy sektorynyń uıymdary.
Budan ózge, II kezeń aıasynda Nur-Sultan qalasynda tómendegilerdiń jumysy qaıta jandanady:
-
qarjy jáne saqtandyrý sektorlarynyń uıymdary;
-
elektrlik turmystyq tehnıka, sonymen qatar saıajaı maýsymyna arnalǵan taýarlar satatyn iri dúkender.
Almatyda myna salalardaǵy kompanııalar jumysyn qaıta bastaıdy:
-
kólik jáne qoımalaý, aqparattyq-kommýnıkasııalyq tehnologııalar salalary;
-
qarjy jáne saqtandyrý sektorlary;
-
servıstik qyzmet kórsetý salalary (TQS, dóńgelek aýystyrý, turmystyq jáne keńse tehnıkalaryn jóndeý).
2. Oblystardyń, sondaı-aq Nur-Sultan, Almaty jáne Shymkent qalalarynyń ákimderine bıylǵy 27 sáýirden bastap óńirlik shtabtar ázirlegen erejelerge sáıkes aýla alańdary men saıajaı alqaptarynyń halyqqa qoljetimdiligin qamtamasyz etý tapsyryldy.
3. 2020 jylǵy 1 mamyrdan bastap Nur-Sultan men Almaty arasyndaǵy áýe qatynasyn qaıta jandandyrý týraly sheshim qabyldandy. Bastapqy kezeńde ushý jıiligi kúnine 4 reısti quraıdy. Reıster kúsheıtilgen sanıtarlyq talaptardy saqtap, az jolaýshylarmen jáne salonda erekshe qashyqtyqty saqtaý arqyly júzege asyrylady.
«Ákimderge qoǵamdyq oryndardy, ónerkásiptik aýmaqtardy, áýejaılar men balalardyń aýladaǵy oıyn alańdaryn sapaly túrde sanıtarlyq óńdeýge, jalpy, sanıtarlyq-epıdemıologııalyq talaptardy qatań saqtap, oǵan baqylaý ornatýǵa erekshe kóńil bólýdi tapsyramyn», — dedi A. Mamın.
Sonymen qatar, otyrysqa qatysýshylar qazaqstandyqtardy shet elderden elge jetkizý, HQKO-lar jumysynyń jańa formatyn engizý jáne t. b. máselelerdi qarastyrdy.
