Sondaı-aq ınjenerlik-kólik ınfraqurylymdaryn qaıta jóndeýden ótkizip, eldi mekenderdi abattandyrý kózdelgen. Osy maqsatta oblysta 460 ınfraqurylymdyq jobalar bekitilip otyr. Onyń ishinde 48 nysan Túrkistan qalasyn damytý josparyna baǵyttalǵan. Bul derekter oblys ákimi О́mirzaq Shókeevtiń qatysýymen ótken apparat májilisinde keltirildi. «Jumyspen qamtýdyń Jol kartasy» sheńberinde iske asyrylatyn jobalar týraly baıandaǵan oblystyq Jumyspen qamtýdy úılestirý jáne áleýmettik baǵdarlamalar basqarmasynyń basshysy Ásııa Temirbaeva aýqymdy jumystar barysynda óńirde 25 myńǵa jýyq ýaqytsha jumys orny ashylatynyn málim etti. Jobalar júzege asqan soń eki myńnan astam turaqty jumys oryndaryn qurý kózdelgen. Azamattardyń ortasha jalaqysy 85 myń teńgeden tómen bolmaıdy.
Qazirgi tańda, memlekettik satyp alýdyń erekshe tártibine sáıkes aýdan, qalalarda ınfraqurylymdyq jobalardy iske asyratyn merdigerlerdi anyqtaý jumystary bastalǵan. Mamyr aıynyń birinshi onkúndigine deıin ınfraqurylymdyq jobalardyń bastalýyn, tıisti jumys oryndaryna jumyssyzdardyń tartylýyn qamtamasyz etý josparlanyp otyr.
Túrkistan oblysy
