Búginde JOO túlekterine jumysqa ornalasý ońaı emes. Pandemııa jaǵdaıynda másele odan kúrdelenip ketti. Ádette jazdyń basynda ýnıversıtet qabyrǵasynda ótetin Bos oryndar jármeńkeleri bıylǵy jyly qoljetimsiz. Osy oraıda Satbayev University Qazaqstanda alǵash ret 15 mamyrda stýdentter úshin sandyq eńbek bırjasyn iske qosyp otyr. Jyl saıyn ótetin Satbayev University Bos oryndar jármeńkesi endi onlaın mamandandyrylǵan platformada ótetin bolady.
Qazaqstandyq jáne halyqaralyq kompanııalardyń ókilderine 3 jáne 4 kýrs stýdentteri óz túıindemelerin tanystyryp qana qoımaı, áleýetti jumys berýshilerden testileýden ótýge jáne odan ári jumysqa ornalasý úshin aldyn ala áńgimelesýden ótýge biregeı múmkindigi paıda bolmaq. Sonymen qatar ýnıversıtet basshylyǵy Semeı qalasy máslıhatynyń depýtattary jáne qala turǵyndarynyń nazaryna https://facultetus.kz/su JOO profıliniń qurylǵandyǵy jaıyndaǵy málimetti usynady. Onda stýdentter óz túıindemelerin, al jumys berýshiler óz bos oryndaryn ornalastyra alady.
Saıtta naqty parametrlerdiń kómegimen jumys berýshiler men stýdentter bir-birin kóre alady ári alań ishinde ózara baılanys jasaý múmkindigi qarastyrylǵan. Barlyq shaqyrtýlar men úndeýler qatysýshylardyń jeke kabınetterinde jınaqtalady, onda kelisý nemese bas tartý málimetteri bolýy múmkin. Taraptar bir-birimen baılanysqa shyǵyp, jumys berýshi suhbatqa shaqyra alady. Bıyl jármeńkege elimizdiń iri kompanııalary qatysady.
ALMATY
