Sonymen, ÁMSQ menedjmentimen tikeleı dıalog nege mańyzdy?
Qazaqstanda áleýmettik mindetti medısınalyq saqtandyrýdyń jańa modeliniń tolyǵymen iske qosylýy koronavırýs pandemııasynyń órshýimen oraılas boldy. Sońǵy 4 aıda qazaqstandyqtar tarapynan, ásirese karantın kezeńinde MÁMS júıesinde emdeý jáne aqy tóleý týraly suraq kóp boldy.
Medısınalyq saqtandyrý qorynyń basshylyǵy pasıenttermen tıimdi keri baılanys ornatý úshin shaǵymdar men suraqtardy qabyldaýdyń dástúrli arnalaryn ǵana emes, sonymen qatar ártúrli elektrondy baılanystardy da qoldanyp otyr.
Joǵaryda atap ótkendeı, osyndaı taǵy bir baılanys 28 sáýirde saǵat 11.00-de Armanjan Baıtasovtyń Instagramdaǵy paraqshasynda ótti. Júrgizýshi óziniń akkaýntynda oqyrmandardyń suraqtaryn aldyn-ala jınap, olardy kelesi taqyryptarǵa biriktirdi:
- Koronavırýstyq ınfeksııanyń jalpy jaǵdaıy jáne KVI-men kúresetin dárigerlerdi qarjylandyrý máseleleri.
- Medısına qyzmetkerleriniń jalaqysyna ústeme aqylardy belgileý men onyń mólsheriniń erejesi.
- Tótenshe jaǵdaılar kezindegi MÁMS júıesine salymdar men aýdarymdar.
- Karantın jaǵdaıynda medısınalyq kómek kórsetý.
- Áleýmettik medısınalyq saqtandyrý qorynyń qyzmeti týraly.
Tómende baıandamashynyń birneshe ózekti suraqtary men jaýaptary berilip otyr. Biraz ýaqyttan keıin Medısınalyq saqtandyrý qory Aıbatyr Jumaǵulovtyń sóılegen sóziniń tolyq mátinin jáne konferensııanyń beıne faılyn jarııalaıdy.
Koronavırýstyq ınfeksııamen kúresti qarjylandyrý suraqtaryna qatysty
Aıbatyr Jumaǵulov jınalǵandarǵa Qor tótenshe jaǵdaıda jáne vırýstyń taralýyn boldyrmaýǵa baǵyttalǵan aldyn-alý sharalary jaǵdaıynda jumys jasaýǵa týra kelgenin jetkizdi. Sonymen qatar COVID-19 bar naýqastardyń qazirgi statıstıkasy jáne TQSBK (QR Densaýlyq saqtaý mınıstrliginiń taýarlar men qyzmetterdiń sapasyn baqylaý komıteti) epıdemıologtarynyń qajyrly jumysy týraly aıtyldy.
Koronavırýspen kúreske qatysatyn barlyq uıymdardy qarjylandyrý týraly suraǵanda, spıker kelesi kórsetkishterdi jarııalady:
COVID-19 profılaktıkasyna respýblıkalyq bıýdjet qarajatynan 55,9 mlrd. teńge qarastyrylǵan, onyń ishinde: ınfeksııalyq, ýaqytsha jáne karantındik aýrýhanalarda emdelgen jaǵdaılarǵa 14,7 mlrd. teńge, dıagnostıkalyq zertteýlerge 5,4 mlrd, medısınalyq qyzmetkerlerdiń jalaqysyna tólenetin syıaqy 35,8 mlrd. teńge (21 877 adamǵa).
Naýryzda osy somadan 3,4 mlrd. teńge 17,7 myń medısına qyzmetkerine syılyqaqy tóleýge jiberildi.
KVI-men baılanysty jumystardy tóleý úshin Qor tıisti qyzmetterge tarıfter jasady:
- Aýrýhanaǵa karantınge jatqyzý mólsheri - 10 413,96 teńge.
- Aldyn ala aýrýhanaǵa jatqyzý tarıfi - 11 619,80 teńge.
3.Táýlik boıy jumys isteıtin aýrýhananyń ınfeksııalyq bólimindegi emdelýshige arnalǵan tarıf 15 113,34 teńgeni quraıdy.
- PTR boıynsha COVID-19 testin ótkizý - 11 499 teńge.
Bul tarıfter QR Densaýlyq saqtaý mınıstrliginiń tıisti buıryǵymen bekitilgen jáne QR Ádilet mınıstrliginde tirkelgen.
Sáýir aıynda dárigerlerge tólenetin syıaqy ózgere me?
Sonymen qatar, tıisti táýekel toptaryna kirmeıtin dárigerler bonýstar ala ma?
Aıbatyr Nyshanuly sáýir aıynda syıaqylardyń mólsherin qarastyrý júrgizilmegenin aıtty. Medısına qyzmetkerlerine tólenetin járdemaqy máselesi oblystardyń, respýblıkalyq mańyzy bar qalanyń jáne astana ákimderiniń orynbasarlary tóraǵalyq etetin aımaqtyq komıssııalarda sheshiledi. Komıssııa COVID-19 koronavırýsyn juqtyrý qaýpi bar tulǵalardyń qosymsha tizimin usynýǵa quqyly, oǵan kredıtorlyq bereshek bolmaǵan kezde medısınalyq uıymnyń qarajaty esebinen syıaqy tólenedi, qyzmetkerge aı saıynǵy tólemderdi tóleý úshin Komıssııa densaýlyq saqtaý uıymy basshysynyń usynysy boıynsha COVID-19 koronavırýsymen kúresý sheńberindegi epıdemııaǵa qarsy sharalar aıasynda densaýlyq saqtaý uıymdarynyń qyzmetkerlerine eseptelgen syıaqylardyń mólsheri týraly áleýmettik medısınalyq saqtandyrý qoryna nemese bıýdjettik baǵdarlama ákimshilerine aqparat beredi.
Tótenshe jaǵdaı kezinde BJT tóleý qajettiligi týraly másele.
Bul suraqqa Basqarma tóraǵasy atap ótkendeı, BJT tóleýdiń ereksheligi - aldyńǵy kezeń úshin tólem jasaý múmkindigimizdiń joqtyǵy, ıaǵnı sáýir aıynda naýryz aıyna tóleı almaımyz, mundaı jaǵdaıda MÁMS júıesine 2125 tg kóleminde táýelsiz tóleýshi retinde tóleýge bolady.
Demek, eger qazir tóleýshiniń MÁMS júıesinde tóleý múmkindigi bolmasa, onda ol bolashaqta paıda bolǵan qaryzdy táýelsiz tólemder arqyly óteı alady, biraq tótenshe jaǵdaıǵa baılanysty 1 shildege deıin MÁMS júıesinde medısınalyq kómek alýǵa quqyly bolady.
Tótenshe jaǵdaı kezinde MÁMS júıesine jarna tóleý máselesi týraly jeke kásipkerlerden kóptegen suraqtar boldy.
Jaýap retinde spıker Úkimettiń qyzmetkerlerge, shaǵyn jáne orta bızneske, onyń ishinde jumys berýshilerge MÁMS-ke aýdarymdar men jarnalar tóleýden bosatý týraly sheshimin jarııalaǵanyn jetkizdi jáne ol jeke kásipkerler, ekonomıkanyń eń kóp zardap shekken salalarynda 2020 jyldyń 1 qazanyna deıin uzartyldy. Bul rette jeke kásipkerlerdiń ózi ózderiniń paıdasyna jarnalar tóleýge mindetti. Kásipkerlik qyzmetti toqtata turǵan jaǵdaıda olar jarnalardy BJT arqyly nemese táýelsiz tóleýshi retinde tóleýi kerek (eń tómengi jalaqynyń 5% nemese 2126 tg). Sondaı-aq, jeke kásipkerler Úkimettiń 2020 jylǵy 27 naýryzdaǵy qaýlysyna sáıkes jarna tóleýdi keıinge qaldyrýdy 1 maýsymǵa deıin qoldana alady.
ALMATY
