«Reıtıng 2019 jyly 17 krıterıı boıynsha júrgizildi, olardyń ishinde: eńbekpen qamtylǵan túlekterdiń paıyzy jáne olardyń ortasha aılyq eńbekaqysy, oqý aıaqtaǵan soń jumys izdeý uzaqtyǵy, sondaı-aq, baǵdarlamalardyń ózektiligin baǵalaý bar.
Qazirgi tańda joǵary synyp oqýshylarynyń basym kópshiligi mamandyq tańdaýda qınalady, sebebi eńbek naryǵyna qajetti mamandyq týraly aqparatty naqty bilmeıdi. О́kinishke qaraı jastardyń kóbinde joǵary bilim bar, biraq múldem basqa salada jumys isteýge májbúr. Bul mamandyq tańdaýdaǵy qateliktiń kórinisi.
Alaıda jumys berýshilerdi bilim baǵdarlamalarynyń ózektiligi, jalpy alǵanda, 32 paıyzǵa ǵana qanaǵattandyrady (666 bilim berý baǵdarlamasy)», dedi O.Ordabaev.
