Keńeste Parlamenttiń qos palatasynyń ókilderi memlekettik qoldaý nysandary retinde júıe quraýshy kásiporyndardyń tizilimin ázirleý máselesi boıynsha jalpy ustanymdy bildirdi.
Otyrysta sóz alǵan Senat Tóraǵasynyń orynbasary júıe quraýshy 361 kásiporynnyń tizimi qoǵamda teris áser týǵyzǵanyn aıta kelip, bıznes qaýymdastyǵynyń birqatar ókilderi ol jóninde buqaralyq aqparat quraldarynda tıisti málimdeme jasaǵanyna Memlekettik komıssııa músheleriniń nazaryn aýdardy.
A.Shákirov Senat Tóraǵasy ekonomıkany qalpyna keltirý jáne daǵdarystan keıingi damý kezeńinde bıznesti yntalandyrý máseleleri boıynsha joǵarǵy Palatada keńes ótkizgeni týraly habardar etti. Ekonomıka salalaryn qoldaý turǵysynda kásiporyndardy irikteýdiń dáıektelgen ólshemderin belgileý qajettigi aıtyldy.
Osy másele boıynsha Premer-Mınıstr Asqar Mamın qazirgi ýaqytta júıe quraýshy kásiporyndardyń tizbesi ázirleý satysynda ekenin atap ótti jáne Parlamenttiń qos palatasynyń depýtattaryna osy jumysqa qatysýdy usyndy.
