«Atameken» Ulttyq kásipkerler palatasynyń úsh jyl qatarynan Bilim jáne ǵylym mınıstrligimen birlesip, qazaqstandyq joǵary oqý oryndarynyń bilim berý baǵdarlamalaryna táýelsiz baǵalaý júrgizý nátıjesinde anyqtalǵan. atameken.kz derekteri boıynsha
«D.Qonaev atyndaǵy Eýrazııalyq zań akademııasynda Halyqaralyq qatynastar mamandyǵy boıynsha oqyǵan túlekterdiń 71%-y jumyssyz, al Halyqaralyq gýmanıtarlyq-tehnıkalyq ýnıversıtetinde ınformatıka mamandyǵyn bitirgender de óndiriske qajetsiz mamandar qatarynda. О́ńirlik áleýmettik-ınnovasııalyq ýnıversıtetinde Kásiptik oqytý mamandyǵyn bitirgenderdiń 25%-y ǵana qyzmetke qol jetkizse, Ortalyq Azııa ýnıversıtetinde ekonomıka mamandyǵy boıynsha jumysqa turǵandar nebári 20%», - dedi óz sózinde.
Sonymen birge, mektep bitirýshi túlekterdiń kópshiligi mamandyq tańdaýda qınalady, bul eńbek naryǵyna qajetti mamandyqtar jaıynda naqty málimetterdiń joqtyǵynan. Osynyń nátıjesinde, joǵary bilimdi azamattardyń kóp bóligi ózge salada qyzmet atqaryp júr. Bul sala tańdaýdaǵy qateliktiń belgisi. Al atalǵan reıtıng osy qajettilikti qanaǵattandyrý úshin jasalyp otqan kórinedi. «Reıtıng 2019 jyly 17 krıterıı boıynsha júrgizildi, olardyń ishinde: eńbekpen qamtylǵan túlekterdiń paıyzy jáne olardyń ortasha aılyq eńbekaqysy, oqý aıaqtaǵan soń jumys izdeý uzaqtyǵy, sondaı-aq, baǵdarlamalardyń ózektiligin baǵalaý bar», – dedi ol.
Sondaı-aq, jıyn barysynda Qazaqstandaǵy kórsetkishi tómen ýnıversıtetter tizimi ataldy. Olardyń arasynda, SilkWay Halyqaralyq ýnıversıteti, Syrdarıa Ýnıversıteti, Halyqaralyq gýmanıtarlyq-tehnıkalyq ýnıversıteti, О́ńirlik áleýmettik-ınnovasııalyq ýnıversıtet, Ortalyq Azııa ýnıversıteti, Shymkent ýnıversıteti, Astana Ýnıversıteti bar. «Qazirgi tańda, jumys berýshilerdi de bilim baǵdarlamalarynyń ózektiligi alańdatady. Jalpy alǵanda jumys berýshilerdiń 68 paıyzy qazirgi oqý baǵdarlamasyna kóńilderi tolmaıdy», - dedi O.Ordabaev.
