Atalǵan uıym saraptamasy kórsetkenindeı, kóbinese tabys deńgeıi joǵary qyzmetkerler jumyssyz qalady. Al bul saladaǵy kórsetkish 2,8-14,6 mln adamǵa deıin artýy múmkin.
Al Qazaqstan Prezıdentiniń keńesshisi, Eńbek resýrstaryn damytý ortalyǵynyń jetekshisi Tamara Dúısenova aldaǵy ýaqytta respýblıka turǵyndarynyń 3,7 paıyzy jumyssyz qalýy múmkindigin málim etti.
Daǵdarys jumys kúshiniń kem degende úshten birine jáne eń bastysy shaǵyn bızneste jumys isteıtin 3,3 mıllıon adamǵa áser etedi. Interfaks derekteri boıynsha, aldyn ala boljanǵan kórsketkish negizinde qysqa merzimde jumyssyzdar sany 1,3-2,5 mıllıondy quraýy múmkin. Jappaı jumyssyzdyqty boldyrmaýǵa jáne jumyspen qamtýǵa yqpal etetin shuǵyl sharalar qabyldanbasa, jumyssyzdyq deńgeıi optımıstik ssenarıı boıynsha 4,8 paıyzdan 13,7 paıyzdy quraıdy.
Bólshek saýda, áleýmettik-turmystyq qyzmetter sııaqty sektorlarda jumys isteıtin kompanııalardy TJ rejimi aıaqtalǵannan keıin de úsh aı qoldaý qajet bolady. О́ıtkeni olar óz qyzmetin tez arada qalpyna keltire alady. Týrızm, oıyn-saýyq ındýstrııasy, halyqaralyq tasymaldar sııaqty salalar uzaǵyraq qalpyna keledi. Tıisinshe olarǵa qoldaý kórsetý neǵurlym uzaq merzimge, ıaǵnı 6-12 aıǵa sozylýy múmkin.
