Atalǵan azamattar oqshaýlanǵan, em qabyldaýda, jaqyn baılanysta bolǵandar anyqtalýda. Oblystyq sıtýasııalyq ortalyqtyń habarlaýynsha, qazirgi tańda vırýs juqtyrǵandar sany oblys boıynsha - 117.
Sondaı-aq 28 sáýir kúni Arys qalasynyń úsh azamaty koronavırýs ınfeksııasynan aıyǵyp, úılerine oraldy. KVI jáne jedel pnevmonııa, arterıaldi gıpertenzııa syndy qosalqy dıagnozben 4 sáýir kúni aýrýhanaǵa túsken 52 jastaǵy azamat emnen keıin jaǵdaıynyń jaqsarýyna jáne 2 ret PTR zertteýi teris nátıjesine baılanysty úıine shyǵaryldy. Al Arys qalasynyń 1974 jyly týǵan turǵyny 10 sáýir kúni KVI rastalyp jáne jedel bronhıtpen aýrýhanaǵa jatqyzylǵan. Naýqastyń jaǵdaıy jaqsarýy jáne 26 sáýir kúni PTR zertteýi teris nátıje kórsetýi sebepti aýrýhanadan shyqty. Arys qalasynyń 2018 jyly týǵan kishkentaı turǵyny da alynǵan emnen keıin jaǵdaıynyń jaqsarýy jáne sońǵy PTR zertteýi teris nátıjesine baılanysty úıine oraldy.
Jalpy oblys boıynsha indetten jazylǵandar sany – 29.
