Osy oraıda Túrkistan oblysynda «Keń Dala» baǵdarlamasy boıynsha kóktemgi dala jáne egin jınaý jumystaryn júrgizý isi qyzý qolǵa alynýda. Bul jobany «Ońtústik» aımaqtyq ınvestısııalyq ortalyǵy men «Yrys» mıkro qarjylyq uıymy qarjylandyrmaq. Osy maqsatta bıyl 950 mln teńge kóleminde qarjy bólinip, atalǵan baǵdarlama boıynsha «Agrarlyq nesıe korporasııasy» AQ operator bolyp bekitilgen. Búgingi tańda «Ońtústik» AIO tarapynan maqta, maqsary, bıdaı jáne baqsha daqyldaryn ósirý baǵyttary boıynsha jalpy somasy 360,5 mln teńge 10 joba qaralyp, maquldanǵan. Sondaı-aq, taǵy jalpy somasy 415 mln teńge bolatyn 6 joba qaralý ústinde. Budan bólek, jalpy somasy 174,5 mln teńgeni quraıtyn 4 jobanyń qujattaryn jınaý jumystary júrgizilýde.
Kóktemgi dala jáne egin jınaý jumystaryn qarjylandyrýdy jylyna 5 paıyzdyq syıaqy mólsherlemesi boıynsha júrgizý isi bıylǵy 15 qarashaǵa deıin jalǵasady.
Al nesıeni qaıtarý merzimi Túrkistan oblysynyń sharýa qojalyqtaryna, jeke kásipkerlerine jáne zańdy tulǵalaryna ósiriletin daqyldardyń bekitilgen tizbesi men shyǵyn normatıvterine sáıkes júzege asyrylady. Barlyq aýdan ortalyqtarynda jumys isteıtin «Yrys» MQU JShS aımaqtyq ókilderi búginde qujattardy jınaý jáne tapsyrý boıynsha qaryz alýshylarǵa qyzmet kórsetýde.
Túrkistan oblysy
