Oblys ákimi О́mirzaq Shókeev qurylysshylarmen kezdesýde barlyq turǵyn úılerdiń syrtqy kórinisiniń biryńǵaı bolýyna basa nazar aýdarýdy mindettedi. Iаǵnı Túrkistandaǵy turǵyn úılerdiń basym bóligi ashyq tústi travertın men aq mármár taspen qaptalady. «Jumys aýqymy óte úlken. Ony jaqsy túsinemiz. Alaıda qarjy der kezinde bólingen soń jumys toqtamaý kerek. Jumys kestesinen qalys qalýǵa múldem bolmaıdy. Qajet bolǵan qurylys nysandaryna qosymsha kúsh tartyldy. Onyń ústine keıbir qurylys nysandarynda táýlik boıy jumys isteýge kóshýge ábden bolady», dedi О́mirzaq Shókeev.
Sondaı-aq oblys ákimi merdiger kompanııa jaýaptylaryna jumys qarqynyn jyldamdatýdy tapsyrdy. Salynyp jatqan nysandardy aralap, sapasyna basa nazar aýdardy. Qurylysqa atsalysyp jatqan sheteldik kompanııa jetekshilerimen kezdesip, jumys barysyndaǵy birqatar ózgeristerdi talqylady.
Búgingi tańda basqarmalar, departamentter ǵımarattary, Kongress ortalyǵynda qurylys aıaqtalyp keledi. Ishki árleý, ınjenerlik jelilerin montajdaý jáne syrtqy abattandyrý jumystary eki aýysymda júrip jatyr. Nur-Sultan alańynda qurylys jumystary tolyq aıaqtalyp, abattandyrý jumystary júrgizilýde. Oqýshylar saraıy, stadıon, basseıni bar sport kesheni de aıaqtalýǵa jaqyn.
