Aımaqtaǵy 7 kásiporynnyń jumysshylaryna qaryzy 109 mln teńgeden asady. Barlyq derek boıynsha eńbek ınspeksııasy tekserý jumystaryn júrgizip, qajetinshe uıǵarym shyǵarǵan. Budan bólek, óńirde eńbek qaýipsizdigin saqtamaý saldarynan qaıǵyly oqıǵalar men adam ólimi de órship tur.
–Jyl basynan beri oblysta 16 qaıǵyly jaǵdaı tirkeldi. Onyń úsheýi adam ólimimen aıaqtaldy. Bireýinde birneshe adam zardap shekti. Taıaýda Aqsý kentindegi fabrıka qurylysynda da oqys oqıǵa oryn aldy. Kran baǵanasy úzilip adamdar júrgen nysanǵa baryp soǵylǵan. Bir jumysshy oqıǵa ornynda kóz jumdy. Al ekinshisi aýyr jaraqat aldy, deıdi oblystyq eńbek ınspeksııasy jónindegi basqarma bastyǵynyń orynbasary Dúısenbek Baımúsenov.
Oblys boıynsha 901 kásiporynda eńbek qaýipsizdigin saqtaý jóninde óndiristik keńester qurylǵan. Bul shara eń aldymen jumys ornyndaǵy zań buzýshylyqtyń aldyn alyp, qarapaıym eńbek adamynyń eńbegin qorǵaýǵa baǵyttalǵan.
Aqmola oblysy.
