Ortalyq saılaý komıssııasynyń múshesi laýazymyna taǵaıyndaý kún tártibiniń birinshi máselesi boldy. Joǵarǵy palata basshysynyń usynysy boıynsha Serik Sydyqov Qazaqstan Respýblıkasy Ortalyq saılaý komıssııasynyńmúshesi bolyp bekitildi.
Senatorlar otyrystyń kún tártibi aıasynda ardagerler máselelerine qatysty úsh zańdy talqylap, qabyldady. Olardyń ishinde –«Ardagerler týraly» zań jobasy, onyń maqsaty ardagerler sanatyn belgileý, sondaı-aq olarǵa áleýmettik qoldaý sharalaryn usynýdy uıymdastyrý, ekonomıkalyq jáne quqyqtyq negizderin aıqyndaý bolyp tabylady.
Senatorlar elimizdiń keıbir zańnamalyq aktilerine áleýmettik qamsyzdandyrý máseleleri boıynsha túzetýler engizý týraly zań jobasyn eki oqylymda qarady. Onyń negizgi mindeti basqa memleketterdiń aýmaǵyndaǵy urys qımyldaryna qatysqan jáne bitimgershilik kúshter retinde beıbitshilik pen qaýipsizdikti qoldaý jónindegi halyqaralyq mindettemelerdi oryndaǵan áskerı qyzmetshilerdi ardagerlerdiń jeke sanatyna jatqyzý bolyp tabylady.
Senatorlar sondaı-aq Salyq kodeksine jáne Salyq kodeksin qoldanysqa engizý týraly elimizdiń zańyna ózgerister engizý týraly zań jobasyn eki oqylymda qarady. Onyń maqsaty salyq zańnamasynyń erejelerin «Ardagerler týraly» zań jobasynyń basqa memleketterdiń aýmaǵyndaǵy soǵys qımyldarynyń ardagerlerine salyq jeńildikterin berý jáne biryńǵaı termınologııany qoldaný bóligimen úılestirý bolyp tabylady.
Depýtattar odan keıin «Qazaqstan Respýblıkasynyń keıbir zańnamalyq aktilerine eńbek máseleleri boıynsha ózgerister men tolyqtyrýlar engizý týraly» zań jobasyn talqylap, qabyldady.
Otyrys barysynda senatorlar «Qazaqstan Respýblıkasynyń keıbir zańnamalyq aktilerine kóshi-qon prosesterin retteý máseleleri boıynsha ózgerister men tolyqtyrýlar engizý týraly» zań jobasyn eki oqylymda qarap, qabyldady. Qujatty tanystyrǵan eńbek jáne halyqty áleýmettik qorǵaý mınıstri Birjan Nurymbetov zań jobasyn qabyldaýdyń mindeti kóshi-qon zańnamasyn jetildirý ekenin atap ótti. Onyń ishinde elimizgekeletin etnıkalyq repatrıanttar men qonys aýdarýshylarǵa qolaıly jaǵdaılar jasaý, el ekonomıkasynyń suranystaryna arnalǵan syrtqy eńbek kóshi-qonynyń tıimdi júıesin qurý, qolaıly ınvestısııalyq ahýal jasaý, halyqaralyq úzdiktájirıbeni eskere otyryp kóshi-qon prosesterin retteý salasyndaǵy quqyqtyq bazany keńeıtý jáne zańsyz kóshi-qonnyń jolyn kesý baǵyttary bar.
Depýtattar sonymen qatar «Qazaqstan Respýblıkasynyń keıbir zańnamalyq aktilerine ana men balany qorǵaý máseleleri boıynsha ózgerister men tolyqtyrýlar engizý týraly» zańdy qabyldady. Onyń maqsaty terrorıstik áreketterden zardap shekken jáne soǵys bolǵan aımaqtardan oralǵan balalardy qorǵaýdy qamtamasyz etý úshin quqyqtyq negiz qurý bolyp tabylady.
Otyrysta sondaı-aq zańnamaǵa atom energııasyn paıdalaný salasyndaǵy azamattyq-quqyqtyq jaýaptylyq máseleleri boıynsha túzetýler qabyldandy. Elimizdiń energetıka mınıstri Nurlan Noǵaev óz baıandamasynda atap ótkendeı, zań jobasynyń maqsaty – elimizdegi ıadrolyq qondyrǵylardyń jumys isteýi barysynda týyndaıtyn, atap aıtqanda, ıadrolyq qondyrǵylar operatorlarynyń ıadrolyq zalal keltirgeni úshin azamattyq-quqyqtyq jaýapkershiligi salasynda qoǵamdyq qatynastardy retteý bolyp tabylady.
Senatorlar Qazaqstan Respýblıkasynda beıbit jınalystardy uıymdastyrý jáne ótkizý tártibi týraly zań jobasyn, sondaı-aq zańnamaǵa beıbit jınalystardy uıymdastyrý jáne ótkizý tártibi máseleleri jónindegi túzetýlerdi birinshi oqylymda maquldady. Bul qujattardyń negizgi maqsaty azamattardyń beıbit jáne qarýsyz jınalýǵa, jınalystar, mıtıngiler men demonstrasııalar, sherýler men pıketter ótkizýge konstıtýsııalyq quqyǵyn júzege asyrý bolyp tabylady.
Palata depýtattary Áriptestik týraly negizdemelik kelisimdi (2014 jylǵy 4 mamyrdaǵy Qazaqstan Respýblıkasynyń Úkimeti men Azııa Damý Banki arasyndaǵy Qazaqstan Respýblıkasyn ekonomıkalyq ártaraptandyrý jáne onyń ornyqty damýyna, jalpy ósýine járdemdesý maqsatynda yntymaqtastyqty kúsheıtý jónindegi áriptestik týraly negizdemelik kelisimge túzetýler men tolyqtyrýlar) ratıfıkasııalady.
