Qoǵam • 30 Sáýir, 2020

Balabaqsha qyzmetkerleri eriktiler qatarynda

284 ret kórsetildi

Alapat indettiń saldarynan álem bir sátte ózgerdi. Eldegi tótenshe jaǵdaıda kómekke muqtaj turǵyndar sany artty. Osyndaı qıyn sátte Almaty qalasyndaǵy Alataý aýdanyna qarysty №168 bóbekjaı-balabaqsha ujymy da qarap qalǵan joq. Balabaqsha basshysy Nazıra Zııashqyzy bastap, tárbıeshilerimen uıymdasa otyryp eriktiler qatarynan tabyldy.

Balabaqsha tárbıeshisi Gúlmıra Kakenqyzy betperdeler tigip, zeınetkerlerge taratyp, qarııalarǵa qamqorlyq jasasa, mektepke daıarlyq toptarynyń  tárbıeshileri  Gúlbarshyn Kazızovna, Baqytgúl Aldabergenqyzy, Gúlmıra Kakenovna, О́nimhan Nurgúlsin, Móldir súıikti shákirtterin  balabaqsha baǵdarlamasynan qaldyrmaı ýaqytyly mektepke daıyndaý úshin zaman talabyna ilesip  otyryp, balalarǵa beınebaılanys arqyly tapsyrmalar daıyndap, qashyqtyqtan oqytýdy jalǵastyryp ketti.

Qashyqtan oqytý barysynda balalarmen  birge ata-analarǵa da salmaq túskeni belgili. Ata-ana bala men ustaz arasyndaǵy altyn kópirge aınaldy. Indetti jeńýdiń bir joly tazalyq bolsa, ata-analar balalardyń qol jýýdyń túrli vıdeolaryn  túrli  jeliler arqyly taratyp dostaryn tazalyqty saqtaýǵa shaqyrdy. Indetti jeńýdiń taǵy bir joly oqshaýlaný bolsa, oqshaýlanýdy tıimdi ótkizýdiń  bir túri retinde sportpen shuǵyldaný kerektigin ata-analardyń  jelilerdegi vıdeolarynan baıqaýǵa bolady. Balabaqshanyń Indıra Shúlembaeva, Baqytgúl Máýtenova, Gúlnara Tursynbaeva, Elmıra Kolontaeva syndy pedagogtary oqshaýlaný kezinde bos ýaqyttaryn tıimdi paıdalanyp, túrli onlaın baıqaýlaryna qatysyp, kásibı shyǵarmashylyqtaryn shyńdady. 

Balabaqshanyń mektep aldy daıarlyq  tobynyń tárbıeshisi Galıa Jarasqyzy óz shyǵarmashylyǵynan týǵan óleń shýmaqtaryn shákirtterine jattatyp, vıdeo rolıkter arqyly joldap,  dárigerlerge qurmet kórsetti.

Ǵajap mamandyq                                                             

Osy tańda arqalaǵan zaman júgin,

Sizderge bas ıedi ǵalam búgin.

Tileıtin bar adamnyń amandyǵyn,

Ǵajap qoı dáriger mamandyǵyń.

Soǵys jyldar tańyp júrdiń jaralardy,

Eńbegiń qaı kezde de baǵalandy.

Emdeısiń úlkenderdi, balalardy,

Aman alyp qalaıyqshy qalalardy.

Qıyn sátte otbasynan jyraqtadyń,

Jeńimpazy bolyńdar synaqtardyń.

 

Dáriger

Qaterge óz bastaryn tige bilgen,

 Qınalsa da jymıyp kúle bilgen.

Kúsh-qýat  tabylady bilegińnen,

Meıirim shýaq shashyp júregińnen.

 

Tártipke baǵynamyz

Elimizde myna indet bastaldy,

Úıde bol dep bizge úndeý tastaldy.

Tártipke biz árkezde baǵynamyz,

Otbasynan barshamyz tabylamyz,

Baqshamyzdy árıne saǵynamyz.

Tazalyqty muqııat biz saqtaımyz,

 El úmitin bárimizde  aqtaımyz.

 Úıde endi tekke qarap jatpaımyz

Taqpaq penen óleńderdi jattaımyz.

Kórý úshin tabıǵattyń sulýlyǵyn tamashalap, tamsanyp,

Kórý úshin  baý baqshada  bar qustardyń saıraǵanyn án salyp.

Kórý úshin ana  bala qol ustasyp baqytty bop  júrgenin,

Sabyrly bol úıden shyqpa men de daǵy úıdemin!- dep óleń chelendjin bastaǵan balabaqsha tárbıeshileri indentti birlese jeńýge shaqyrady, deıdi №168 bóbekjaı-balabaqsha ádiskeri G.Tursynbaeva.

Sońǵy jańalyqtar

Siz bilesiz be?..

Ádebıet • Keshe

Máńgilik saýalǵa mándi jaýap

Rýhanııat • Keshe

Kúnikeıdiń jazyǵy

Ádebıet • Keshe

Kesteli oramal

Rýhanııat • Keshe

Eki «sarynyń» aıqasy

Kásipqoı boks • Keshe

Elordada jańa alleıa ashyldy

Ekologııa • Keshe

Qıly-qıly taǵdyrlar

Tarıh • 09 Mamyr, 2021

Tozaqtan ótse de túńilmegen

Rýhanııat • 09 Mamyr, 2021

Radıst qazaq qyzdary

Tarıh • 09 Mamyr, 2021

Qarsy barlaýshylar qaharmandyǵy

Rýhanııat • 09 Mamyr, 2021

Maıdangerdiń ónegeli joly

Rýhanııat • 09 Mamyr, 2021

Rjev shaıqasynyń qaharmany

Tarıh • 09 Mamyr, 2021

Turlaýy qıyn taǵdyrlar

Tarıh • 09 Mamyr, 2021

Uqsas jańalyqtar