Global FirePower reıtınginde Amerıka Qurama Shtattary álemdegi eń qýatty áskerı derjavalar kóshin bastap tur. Reseı men Qytaı jalǵastyrǵan tizimde Ortalyq Azııa elderi arasynda áskerı qýattylyǵy jaǵynan О́zbekstan 52 pozısııany enshilegen.
Reıtıngtegi elderdiń qorǵanys kúshin anyqtaý úshin PowerIndex baǵamy boıynsha qarjylandyrýdan bastap, materıaldyq-tehnıkalyq áleýeti jáne geografııalyq ózgermeli jaǵdaılaryn eskere otyryp, 50-den astam jeke faktorlar paıdalanylǵan. Reıtıngtiń ishki shaǵyn formýlasy damý deńgeıi ortasha elderdi tehnologııalyq jaǵynan damyǵan iri memlekettermen salystyrýǵa múmkindik beredi. GFP reıtınginde elderdiń óndiristik jáne logıstıkalyq múmkindikteri de eskerilgen. Global FirePower aqparaty boıynsha Qazaqstannyń qorǵanys bıýdjeti 4 mlrd dollardy qurasa, ásker sapyndaǵylardyń sany – 132 myń. Al Áýe áskerı kúshteri men Áýe teńiz kúshteri, Áskerı teńiz kúshterinde ushý apparattarynyń jalpy sany – 222. Onyń ishinde 76 joıatyn, 39 shtýrmdyq, 18 áskerı-kólik, 18 oqý-jattyǵý ushaqtary men 71 áskerı, 18 soqqy beretin tikushaqtar bar. Qazaqstannyń Áskerı áýe kúshteri men basqa qurylymdarda qazirgi kezde 15 áskerı patrýldi kemeleri qoldanysta.
