Memleket basshysy N.Nazarbaevtyń bıylǵy Joldaýy “Jańa onjyldyq — jańa ekonomıkalyq órleý — Qazaqstannyń jańa múmkindikteri” dep atalypty. Barsha qazaqstandyqtar taǵatsyzdana kútken tarıhı qujatpen ózim oqyrmany sanalatyn “Egemen Qazaqstannan” oqyp, jan-jaqty tanysyp shyqtym.
Elbasynyń Parlament palatalarynyń birlesken otyrysynda jarııalaǵan Qazaqstan halqyna arnaǵan Joldaýy aldaǵy onjyldyqta elimizdi odan ári órkendetýdiń basty mindetterin aıqyndap berýmen erekshelenedi. Jáne bir qundylyǵy, 1997 jyly qabyldanyp, uzaq merzimge arnalǵan “Qazaqstan-2030” Strategııasynyń basty maqsattary men basymdyqtary aıqyn kórinip, zańdy jalǵasyn taýyp jatýynda der edim. Prezıdent atap ótkendeı, HHI ǵasyrdaǵy alǵashqy onjyldyqta elimiz serpindi damýyn sátti jalǵastyryp, qýatty da tabysty memleketke aınaldy. Endigi maqsat – elimizdiń aldaǵy onjyldyqtaǵy ekonomıkalyq órleýin qamtamasyz etip, jańa múmkindikterge jol ashý. Onyń naqty talaptary men mindetteri Joldaýda atap kórsetilip, qazaqstandyq joldyń kóshbasshylyq nusqasy qolmen qoıǵandaı jiliktep berilgen. Maǵan, ásirese, ekonomıkany ártaraptandyrý máseleleri boıynsha aıtylǵan oılar qatty unady. Búgingideı kúrdeli kezeńde órkenıetti, damyǵan elder qataryna jetý, olarmen teńesýge umtylý óte quptarlyq. Ulttyq ekonomıkanyń básekege qabilettiligin arttyrý, eńbek ónimdiligin eselep ósirý, ozyq ınnovasııalardy óndiriske engizý asa mańyzdy mindet bolyp tabylady. Sondaı-aq ár óńirdegi árbir ındýstrııalyq joba jergilikti bıliktiń ǵana emes, sonymen birge jurtshylyqtyń da aıryqsha baqylaýyna alynýy tıistiligi bóle-jara aıtylǵan. Bul oraıda kásipodaq aıryqsha azamattyq belsendilik tanytyp, óz úlesterin qosa alaryna senimdimin. Máselen, azyq-túlik baǵasyn qoljetimdi etý, jumyssyzdyq sanyn azaıtý, jańa jumys oryndaryn ashý máseleleri boıynsha oblystyq kásipodaq ákimdikpen, jumys berýshilermen úshjaqty kelisimge kelýdiń arqasynda naqty ister tyndyryldy. Demek, elimizdegi kásipodaq armııasyna arqa súıeı otyryp, ortaq iske jumyldyra bilsek, ındýstrııalyq jobalar búkil elimizdiń jalpyulttyq mindetine aınalary sózsiz. Joldaýda ǵylym jáne bilimge úlken kóńil bólinip, naqty usynystardyń belgilenýin soltústikqazaqstandyq ustazdar qaýymy qýanyshty sezimmen qarsy aldy. Bul salada atqarylatyn sharýalar qyrýar. Solardyń biri—mektep jasyna deıingi tárbıe berý jáne oqytý isin jetildirý. Osyǵan oraı “Balapan” baǵdarlamasynyń usynylýy óte quptarlyq. 2020 jylǵa qaraı orta bilim berýde 12 jyldyq oqytý modeliniń tabysty jumys isteýi úshin Úkimet birqatar sharalar atqaratyn bolyp belgilendi. Munyń bári elimizdiń erteńgi azamattaryn qalyptastyrý jolyndaǵy arshyndy qadamdar der edik. Bir sózben aıtqanda, elimizdiń aldaǵy onjyldyq damý baǵyttaryn aıqyn belgilep bergen Joldaý qaǵıdattary erteńge degen berik senimdi ushtap, jigerlendire túsedi. Nazymbek ORAZYMBETOV, Soltústik Qazaqstan oblystyq bilim jáne ǵylym qyzmetkerleri kásipodaǵy komıtetiniń tóraǵasy.
