Búgin, 19 qyrkúıetei jumys saparymen Fransııada júrgen Qazaqstan Premer-Mınıstri Serik Ahmetov Halyqaralyq kórmeler bıýrosynyń (HKB) Bas hatshysy Vısente Lossertalespen kezdesti. Bul týraly Premer-Mınıstrdiń saıtynan habarlandy.
Kezdesýdiń basty taqyryby Qazaqstan men HKB-nyń ózara is-qımyly, sondaı-aq Astanada EKSPO-2017 ótkizýge daıyndyq barysy boldy.Halyqaralyq kórmeler bıýrosymen yntymaqtastyqtyń strategııalyq sıpatyna toqtalǵan, Úkimet basshysy Qazaqstan úshin EKSPO-2017 ótkizýdiń mańyzdylyǵyn atap kórsetti.
«Qazaqstan tarapynan kórmeni sapaly ótkizýge daıyndyq boıynsha qajetti sharalardyń bári jasalýda», - dedi S.Ahmetov.
Premer-Mınıstr V.Lossertaleske ústimizdegi jyldyń jeltoqsanynda HKB-ǵa usynylatyn, kórmeniń sáýlettik eskızine konkýrs ótkizý boıynsha Tirkeý dosesiniń aıaqtalý kezeńi týraly habarlady.
«Halyqaralyq konkýrsqa álemniń ár túrli elderinen 50 den astam maman qatysty. Konkýrstyń qortyndysy boıynsha EKSPO kórmesi kesheniniń negizi bolmaqshy eskız-ıdeıa anyqtalady», dedi S.Ahmetov.
V.Lossertales Astanada EKSPONY ótkizýge daıyndyqtyń joǵarǵy deńgeıde júrgizilip jatqanyn aıtyp, osy oraıda Memleket basshysynyń róliniń aıryqsha ekenin atap kórsetti.
«Men Astanada Qazaqstan Prezıdentimen kezdestim. Sonda Nursultan Nazarbaev kórmege daıyndyq barysynyń onyń tikeleı baqylaýynda bolatynyn aıtqan edi», - dedi Bas hatshy.
HKB Bas hatshysy «jıyrma jyldan artyq men osy baǵytta eńbek etip kelemin, kórmeler ótkizem, meniń tarıhymda mundaı tez, jedel jáne tıimdi túrde iske kirisip ketken el bolǵan joq»-dep sózin jalǵastyrdy.
Kezdesý sońynda, V.Lossertales Qazaqstan jaǵyna mamandandyrylǵan kórmeni ótkizý barysynda tabys tiledi.
Anyqtama úshin
Halyqaralyq kórmeler bıýrosy (HKB) kórmelerdi uıymdastyrýshylar men qatysýshylardyń mindetteri men quqyqtaryn bekitken 1928 jyly Parıj qalasynda qol qoıylǵan halyqaralyq dıplomatııalyq Konvensııamen quryldy. HKB qyzmeti Halyqaralyq kórmelerge qatysty Konvensııa ótinimderin qamtý men baqylaýdy júzege asyrýǵa baǵyttalǵan.
Birinshi dúnıejúzilik ámbebap kórme 1851 jyly Londonda ótti. Búgingi tańda HKB-ǵa 163 el kiredi. Qazaqstan oǵan 1997 jyly múshe boldy.
2012 jylǵy 22 qarashada HKB-nyń 152-shi Bas Assambleıasynda jasyryn daýys berý nátıjesinde 103 qoldaýshy daýys (44 qarsy) alyp, Astana Belgııanyń Lej qalasynan ozyp, «EKSPO-2017» ótkizý orny retinde jarııalandy
