Búgin, 19 qyrkúıek kúni Almatynyń «Qaırat» komandasy negizgi quramynyń oıynshylary óz jankúıerlerimen jáne buqaralyq aqparat quraldarynyń ókilderimen kezdesti. Bul týraly «Qaırat» fýtbol klýbynyń saıty habarlady.
Kezdesý klýbtyń Almatydaǵy resmı dúkeninde ótti. «Búgin bizdiń fan-shopta naǵyz anshlag boldy. Kúndelikti jumys kúni ekenine qaramastan, «Qaırattyń» kóptegen jankúıerleri súıikti oıynshylarymen dıdarlasý úshin osynda arnaıy keldi. Olarmen júzdesken Davıd Lorııa, Lıýbomır Mıhalık, Stıýart Daff, Artýr Edıgarıan, Momodý Sıseı jáne bas jattyqtyrýshy Vladımır Vaıss qoltańbalaryn taratty», - dep jazylǵan onda.
Kezdesýde oıynshylar men bas jattyqtyrýshy fanattardy tolǵandyryp júrgen kóptegen suraqtarǵa jaýap berdi. Qaırattyqtar búkil maýsym boıyna ózderine qoldaý kórsetkenderi úshin janashyrlaryna alǵys sezimin bildirdi. О́z kezeginde jankúıerler de komandanyń sońǵy týrda Shymkentte jergilikti «Ordabasy» komandasyn jeńip kelgeni úshin rahmet aıtty.
Sońynan «Qaırattyń» fanattary, oıynshylary men bas jattyqtyrýshysy eskertkish sýretke tústi. Komandamen kelesi kezdesý bıylǵy maýsymnyń sońynda ótetin bolyp kelisildi.
Rýslan Igilik.
