Endi bir saǵattan keıin grektiń Salonıkı qalasynda Qaraǵandynyń «Shahter» fýtbol klýby Eýropa lıgasy toptyq kezeńindegi birinshi oıynyn jergilikti PAOK komandasyna qarsy bastaıdy. Kenshiler komandasynyń bas jattyqtyrýshysy da alańǵa shyǵatyn oıynshylaryn atady. Bul týraly Vesti.kz tilshisi habarlady.
Match Astana ýaqytymen 01:05 saǵatta bastalady. PAOK kezdesýdiń starttyq quramyn bylaısha belgilep otyr: Hakobo, Savellas, Mıgel Vıktor, Sıolıs, Stoh, Lazer, Kasýranıs, Kısıý, Nınıs, Lýkas, Atanasıadıs.
Al «Shahterdiń» bas bapkeri Vıktor Kýmykov myna quramdy usyndy: Mokın, Poryvaev, Tarasov, Djıdıch, Malyı, Sımchevıch, Vıchıýs, Kazarıan, Kanıas, Fınonchenko, Hıjnıchenko.
Qazaqstandyq baıyrǵy jankúıerlerge Salonıkı qalasynyń aty jaqsy tanys shyǵar dep oılaımyz. Bul qalada 1977 jyly KSRO quramasy Grekııa komandasymen álem chempıonatynyń irikteý matchyna shyqqanda, onyń quramynda «Qaırattyń» ortalyq qorǵaýshysy Seıilda Baıshaqov ta bolyp edi. Endi bir kúnnen keıin Semeı qalasynda Qazaqstan fýtbolynyń 100 jyldyǵy atalyp ótkeli turǵanda, bul derekke de nazar aýdara ketkenniń artyqtyǵy bolmas.
Damır Qojamqul.
