Baqytjan Saǵyntaev bul mereke uıymshyldyq, ózara túsinistik jáne qoldaý sııaqty qasıetterdiń mańyzdylyǵyn eske túsiretinin atap ótti.
Sondaı-aq qala ákimi dostyq pen birliktiń arqasynda almatylyqtar qıyndyqtardy sátti jeńe alatynyna senim bildirdi.
«Qala turǵyndaryn Birlik kúnimen quttyqtaımyn! Adamdar arasyndaǵy yntymaqtyń, jarasymdy tatýlyqtyń ózektiligin sıpattaıtyn bul kúnniń mańyzy qazir erekshe. Dostyq pen kelisimniń arqasynda kóptegen syn-qaterdi eńserdik. Qazir de birlesip jeńetinimizge senemin», - dep jazdy B. Saǵyntaev Twitter-degi paraqshasynda.
Eske sala keteıik, 1 mamyrda Qazaqstan halqynyń birligi kúnin merekeleý týraly Jarlyqqa Qazaqstan Respýblıkasynyń Tuńǵysh Prezıdenti – Elbasy Nursultan Nazarbaev 1995 jylǵy 18 qazanda qol qoıǵan bolatyn.
