Aımaqtar • 01 Mamyr, 2020

Jambyl oblysynda koronavırýstan 46 adam saýyǵyp shyqqan

221 ret

kórsetildi

1 mın

oqý úshin

О́kinishke qaraı, búgingi tańda Jambyl oblysynda koronavırýs ınfeksııasyn juqtyrýdyń 119 deregi tirkelip otyr. О́ńirdegi medısına salasynyń mamandary qaýipti indetpen meılinshe kúresýde. Osy ýaqytqa deıin oblysta biraz azamattar aýrýynan aıyǵyp, aman-esen otbasylaryna oralýda. Jambyl oblystyq ákimdiginiń málimetinshe, sońǵy ýaqyttarda óńirde 45, 50 jáne 75 jastaǵy úsh áıel azamaty emdelip shyqqan.

Hamıt ESAMAN

Úsh turǵyn da koronavırýs indetin juqtyrǵan naýqastarǵa arnalǵan stasıonarǵa 14 sáýir kúni ártúrli jaǵdaılarmen túsken. 75 jastaǵy Qordaı aýdanynyń turǵyny qaýipti ınfeksııany týysynyń janazasynda juqtyrǵan bolyp shyqty. Al, 50 jastaǵy ekinshi emdelýshi naýqaspen baılanysta bolǵan kezde ınfeksııa juqtyryp alǵan. Sonymen qatar, 45 jastaǵy úshinshi adam Reseı memleketinen kelgen naýqas kúıeýimen qarym-qatynasta bolǵandyǵy úshin aýrýhanaǵa jatqyzylǵan bolatyn. Stasıonardan emdelip shyqqan olar aldaǵy eki apta boıy dárigerlerdiń baqylaýyndaǵy úı karantıninde bolady. Búginde Jambyl oblysy boıynsha koronavırýs indetinen emdelgenderdiń sany 46 adamǵa jetip otyr.

Jambyl oblysy