CINNO zertteý-konsaltıngtik kompanııasy jarııalaǵan baıandamaǵa sáıkes aǵymdyǵ jyldyń birinshi toqsanynda Huawei enshiles kompanııasy Hisilicon shyǵarǵan Kirin chıpteriniń naryqtyq úlesi 43,9 paıyzǵa jetti. Al Qualcomm korporasııasynyń úlesi 32,8 paıyzdy qurap, ekinshi orynǵa ıe boldy.
Media Tek jáne Apple kompanııalary Qytaıdyń uıaly telefondarǵa arnalǵan chıpter naryǵynda úshinshi jáne tórtinshi oryndardy enshilep, 13,1 jáne 8,5 paıyzǵa toqtady. Atalǵan baıandamada sondaı-aq, COVID-19 indeti qytaılyq uıaly telefondar naryǵyna aıtarlyqtaı soqqy áýkelgenin, osyǵan baılanysty aǵymdaǵy jyldyń alǵashqy úsh aıynda eldegi telefon prosessorlaryn jetkizý kólemi 44,5 paıyzǵa tómendegen. Sonymen qatar, Aurora Mobile analıtıkalyq kompanııasynyń málimetteri boıynsha, Huawei tehnogıganty smartfondar naryǵyndaǵy óz ustanymyn 36,9 paıyzǵa ulǵaıta alady.
Qytaıdyń aqparattyq jáne telekommýnıkasııalyq tehnologııalar akademııasynyń málimetteri kórsetkendeı, bıylǵy jyldyń qańtar-naýryz aıyna deıin Qytaıdyń uıaly telefondaryn jetkizý kólemi 36,4 paıyzǵa, jyldyq eseppen alǵanda 48,95 mln birlikke deıin tómendegen.
