Korporasııa atalǵan baǵdarlama boıynsha kóktemgi egistik jumystaryn qarjylandyrady. Negizgi maqsaty – aınalystaǵy qarajatty tolyqtyrý. Búgingi tańda sýbsıdııalaýdy esepke ala otyryp 6% jyldyq mólsherlememen 1,3 mlrd teńge kóleminde nesıe berildi.
«Qarapaıym zattar ekonomıkasy» baǵdarlamasyndaǵy ózgerister túrli aýylsharýashylyq ósimdikterdi egetin fermerlerge qarjy alýǵa múmkindikterdi ulǵaıtty. Endi sharýalar egis jumystaryn júrgizýge aınalys qarajatyn 12 aıǵa deıin tolyqtyra alady. Bul rette negizgi boryshty qaryz merziminiń sońynda óteýge bolatynyn aıta ketken jón.
Qarjylandyrý jáne sheshim qabyldaýǵa ótinimderdi qarastyrý merzimi 30 kúntizbelik kúnnen 10 jumys kúnine deıin qysqartylǵan. Sondaı-aq nesıeleý prosesin ońtaılandyrý jáne qarjylandyrý prosesin yqshamdaý sheńberinde qaryz alýshylar usynatyn qujattar tizbesi zańdy tulǵalar úshin 27-den 13-ke, sharýa qojalyqtary men jeke kásipkerlerge 16-dan 12 qujatqa qysqartyldy. О́ńirdegi fılıaldar derbes sheshim qabyldaý úshin lımıtter 200 mln teńgege deıin ulǵaıtyldy jáne nesıe komıtetteriniń qashyqtan otyrys júrgizý, ESQ arqyly qujattar men tólem qujattaryna qol qoıý praktıkasy da engizildi.
Shalǵaıdaǵy eldi mekenderdegi sharýalardy jeńildetilgen nesıege qoljetimdiligin qamtamasyz etý maqsatynda kóktemgi naýqandyq jumysty júrgizýge «Qarapaıym zattar ekonomıkasy» aıasynda sońǵy qaryz alýshylardy qarjylandyratyn Nesıelik seriktestikterdi qorlandyrý quraly paıdalanylady. Osy ýaqytta bul uıymdar 144,1 mln teńgeni úlestirdi.
Qabyldanǵan sharalar kóktemgi egistik jumystarmen aınalysatyn fermerlerdi nesıeleý talaptaryn jaqsarta otyryp, olardy edáýir qoldaýǵa múmkindik beredi.
