Kórsetiletin qyzmetti alý úshin paıdalanýshy portalǵa kirip, «Jyljymaıtyn múlik» salymynda úsh qyzmettiń birin tańdaý qajet. Sodan soń portalda kórsetilgen qadamdyq proseske sáıkes ótinimdi toltyrý qajet.
Kadastrlyq (baǵalaý) qunyn anyqtaý jáne sapalyq jaǵdaıy týraly málimetterdi óz ýchaskeńizge de, memlekettik jer kadastrynyń avtomattandyrylǵan aqparattyq júıesi portalynda elektrondy josparda kórsetilgen aýmaqqa da alýǵa bolady.
«Biz negizgi málimetterdi barynsha qamtýǵa jáne ótinim berý prosesin jeńildetýge tyrystyq. Paıdalanýshy tek tizimnen bir tarmaqty tańdap, tólem jasap, qajetti qujattardy salyp, ESQ-men qol qoıý qajet» dep túsindirdi «Ulttyq aqparattyq tehnologııalar» AQ basqarma tóraǵasy Áset Turysov.
Kórsetiletin qyzmetti alý barysynda ótinish berýshiniń qoldanystaǵy quqyqtary tirkelgen memlekettik jer kadastrynyń avtomattandyrylǵan aqparattyq júıesi portalynda elektrondy josparda kórsetilgen barlyq jer ýchaskeleri men aýmaqtar týraly aqparat avtomatty túrde tartylady. Osy tizimnen suraý salý jiberý úshin ýchaskelerdiń birin tańdaý qajet. Suraý salý atalǵan aqparattyq júıege tikeleı túsedi. Suraý salýǵa berilgen jaýappen paıdalanýshynyń jeke kabınetinde tanysýǵa bolady.
Nysanaly maqsatyna, ýchaskeniń aýdanyna jáne jumys kólemine baılanysty tólem somasy anyqtalady, ony elektrondy úkimettiń tólem shlıýzi arqyly júrgizýge bolady.
