Vıdeokonferens baılanys arqyly keńeske aýdan ákimderi, qalalyq basqarmalar men ákimdiktiń vedomstvolyq baǵynysty uıymdarynyń basshylary qatysty.
Qalalyq sybaılas jemqorlyqqa qarsy is-qımyl departamentiniń basshysy Nurlan Qydyrbaev qatysýshylarǵa sybaılas jemqorlyqqa qarsy qyzmettiń 1424 sall-ortalyǵy arqyly elorda turǵyndarynan ótinishterdi qarastyrý jáne qoǵam ókilderimen birlesip ótkiziletin eńbek ujymdaryndaǵy sybaılas jemqorlyqtyń aldyn-alý sharalary jóninde atap ótti. Departament basshysy «Protecting Business and Investments» bıznesti jáne ınvestısııalardy sybaılas jemqorlyqtan qorǵaý jobasyna toqtaldy. Joba aıasynda jyl basynan beri 8 mıllıard teńgeden astam qarjy kóleminde ınvestorlarmen kelisimge qol qoıylǵan.
«Astana – adaldyq alańy» jobasynyń jetekshisi, qalalyq máslıhattyń depýtaty Mıras Shekenov jobanyń sybaılas jemqorlyq táýekelderin tómendetýdegi erekshe róli, memlekettik organdar jumysynyń ashyqtyǵy, sondaı-aq elordanyń aýdan ákimdikteri júzege asyratyn «Bıýdjetke qatysý» jobasy týraly aıtty.
Keńes qorytyndysy boıynsha Altaı Kólginov memlekettik organdardyń basshylaryna, qyzmetkerlerine sybaılas jemqorlyq quqyq buzýshylyqtardyń aldyn alý jóninde eskertti. Ákim bıýdjet qarajatynyń maqsatty jumsalýy úshin jaýapkershilikti jáne memlekettik satyp alý rásimderin qatań saqtaýdy talap etti.
