Gýmanıtarlyq kómek vırýsty anyqtaıtyn 2000 PTR (polımerazdy tizbekti reaksııa) testi, 2500 R-Guard3000 qorǵanys kostıými jáne taldaý júrgizý úshin bıomaterıal jınaýǵa arnalǵan 20 000 konteınerden turady. Ońtústik Koreıada óndirilgen bul medısınalyq quraldar oń nátıje kórsetýde.
Densaýlyq saqtaý mınıstriligine berilgen PTR testiler, dıagnostıkalyq jıyntyqtar men vırýsqa qarsy medısınalyq qorǵaý quraldar Nur-Sultan men Almaty qalalaryna beriledi. О́ıtkeni osy qalalarda koronavırýs indeti kóp tirkelip otyr.
Tuńǵysh Prezıdent – Elbasy Qorynyń atqarýshy dırektorynyń orynbasary Álkeı Marǵulanuly medısınalyq qural-jabdyqtardy densaýlyq saqtaý basqarmasyna tapsyrý rásimi barysynda: «Táýelsizdik jyldary Qazaqstan men Ońtústik Koreıanyń berik dostyq qarym-qatynasy qalyptasty. Eki el arasynda ınnovasııa, ekonomıka, saýda jáne mádenı salalardaǵy ózara is-qımyly nyǵaıyp keledi. Koreı kompanııasynyń Qazaqstanǵa gýmanıtarlyq kómek kórsetýi - Ońtústik Koreıa men Qazaqstan arasyndaǵy kópjyldyq dostyqtyń taǵy bir aıǵaǵy. Koreılik seriktesterge osyndaı naqty kómek úshin alǵys aıtamyn!» - dep sharanyń mańyzdylyǵyn atap ótti.
О́z kezeginde «SIGONGTECH» kompanııasynyń atqarýshy dırektory Ko Iýn San da muny atap ótti: «Koreıa da, Qazaqstan da qazir qıyn-qystaý kezeńdi bastan keship jatyr. Bul ózara yntymaqtastyq pen qamqorlyq burynǵydan da kóbirek qajet bolatyn ýaqyt. 2013 jyldan bastap SIGONGTECH kompanııasy Nur-Sultan qalasynda kóptegen iri dızaınerlik, kórme jobalaryn júzege asyryp keledi, ári Qazaqstanmen erekshe senimdi qarym-qatynas ornatty. Sonymen qatar, COVID-19-ǵa qatysty qıyn jaǵdaıǵa qaramastan, tynbaı eńbek etip jatyrmyz jáne qazirgi kezde Qazaqstan Respýblıkasy Tuńǵysh Prezıdenti – Elbasy Mýzeıi jobasyna kiristik. Bul gýmanıtarlyq kómekti, eń áýeli Qazaqstan halqy qaýipsiz jáne densaýlyǵy myqty bolady degen úmitpen beremiz. Osy qysyltaıań shaqty birge eńseremiz dep senemin».
Qazaqstandaǵy Koreıa Respýblıkasynyń Tótenshe jáne О́kiletti Elshisi Kım Desık myrza: «Qazaqstan úkimetiniń pandemııanyń taralýyn aýyzdyqtaý boıynsha ýaqtyly qabyldaǵan sharalarynyń jáne halyqtyń azamattyq jaýapkershiliginiń arqasynda Qazaqstan bul indetpen tabysty kúresip jatyr». Elshi ońtústik koreı kompanııasynyń gýmanıtarlyq kómegin shynaıy dostyq qarym-qatynastyń jarqyn úlgisi dep baǵalady.
