«Men talantty da talapty jastarǵa senim artamyn. Sol sebepti «Prezıdenttik jastar kadrlyq rezervin» quryp, «júzden júırik, myńnan tulpar» shyqqan 300 jasty iriktep aldyq. Olardyń birazy qyzmetke ornalasty. Tıisti memlekettik organdarǵa jastar saıasatyna arnalǵan jańa keshendi baǵdarlama ázirleýdi tapsyrdym»,-dedi Memleket basshysy.
Ol tótenshe jaǵdaı kezinde aıanbaı eńbek etip júrgen eriktilerdiń jumysyn joǵary baǵalady.
«Osy jyldy «Volonter jyly» dep jarııaladym. Búginde bul bastamanyń der kezinde kóterilgenin kórip otyrmyz. Qazirgideı tótenshe jaǵdaıda eriktiler aıanbaı eńbek etip júr. Kúrdeli kezeńde belsendilik tanytqan jigerli jastardy úlgi tutýymyz kerek. Jalpy, bir jyl ishinde naqty jumystar atqaryldy. Sondyqtan eldiń eńsesin kóteretin mundaı sheshimder aldaǵy ýaqytta da qabyldana beredi»,- dep atap ótti el Prezıdenti.
