Prezıdent • 05 Mamyr, 2020

Qasym-Jomart Toqaev: Saıası reformalar jalǵasady

305 ret kórsetildi

Memleket basshysy Qasym-Jomart Toqaev  «Egemen Qazaqstan» gazetine bergen suhbatynda Prezıdent qyzmetine kirisken bir jyldan astam ýaqyt aralyǵyndaǵy bastamalaryna baǵa berdi.

«Qazaqta «El qýatty bolmaı, baq turaqty bolmaıdy» degen naqyl sóz bar. Osy oraıda memlekettilikti nyǵaıtyp, halqymyzdyń ál-aýqatyn arttyrý úshin mańyzdy bastamalar qolǵa alyndy. Eń aldymen, qoǵamnyń bereke-birligi bekem bolýy kerek. Buǵan bılik pen halyq arasynda turaqty dıalog ornatý arqyly qol jetkizýge bolady. Osyǵan oraı Ulttyq qoǵamdyq senim keńesi quryldy. Onyń negizgi maqsaty – qoǵamdyq sanany jańǵyrtýǵa arnalǵan aýqymdy sharalar uıymdastyrý, ózekti máselelerdi talqylap, tıimdi usynystar ázirleý. Búginge deıin keńestiń eki otyrysy ótkizildi. Saıası, ekonomıkalyq jáne áleýmettik jańǵyrý baǵyttary boıynsha kóptegen usynys jasaldy. Qoǵamdy alańdatqan túrli máseleler qyzý talqyǵa tústi» ,- dep atap ótti Q.Toqaev.

Prezıdent saıası reformalarǵa da toqtaldy.

«Zaman talabyna saı saıası reformalar júrgizilýde. Qazir meniń bastamammen Parlamentte birqatar mańyzdy zańnamalyq ózgerister talqylanýda. «Beıbit jıyndardy uıymdastyrý jáne ótkizý tártibi» týraly zań jobasy qarastyrylyp jatyr. Bul elimizdiń demokratııalyq damýyn aıqyndaıtyn óte mańyzdy qujat bolatynyna kúmán joq. Májilis pen máslıhat depýtattarynyń saılaýyna túsetin saıası partııalar áıelder men jastar úshin otyz paıyzdyq kvota bóletin bolady. Osyǵan oraı zańǵa tıisti tolyqtyrýlar engizý qarastyrylýda. Sondaı-aq, saıası partııalardy tirkeýdi jeńildetý, parlamenttik oppozısııa ınstıtýtyn qalyptastyrý úshin zańnamaǵa mańyzdy túzetýler jasalmaq. Osy ózgerister saıası úderisterdi odan ári lıberalızasııalaý jolyndaǵy naqty qadam bolady dep senemin. Jan-jaqty saıası reformalar jalǵasady. Bul – bizdiń strategııalyq tańdaýymyz»,-dedi Memleket basshysy.

Prezıdent óz sózinde byltyr «Pedagog mártebesi týraly» zań qabyldanǵanyn atap ótti. Soǵan oraı aldaǵy tórt jylda ustazdardyń eńbek aqysyn eki ese arttyrý tapsyryldy.

Prezıdent bastamalarynyń biregeıi «Halyq únine qulaq asatyn memleket» tujyrymdamasy ekeni belgili. Odan bólek ol bıznesti damytý sharalaryn atap ótti.

«Otandyq bıznesti damytýǵa arnalǵan birqatar bastama júzege asty. Meniń tapsyrmam boıynsha shaǵyn jáne mıkro bıznes ókilderi úsh jylǵa tabys salyǵynan bosatyldy. Olardyń qyzmeti aldaǵy úsh jyl boıy tekserilmeıdi. Sol úshin moratorıı jarııalanǵanyn bilesizder. Qazirgi tótenshe jaǵdaı kezinde de kásipkerlerge úlken qoldaý kórsetilýde»,- dedi Q.Toqaev.   

Halyqtyń áleýmettik jaǵdaıy da nazardan tys qalmady.

«Bıyldan bastap jyl saıyn kóp balaly jáne múgedek balalary bar 10 myń otbasy turǵyn úımen qamtamasyz etiledi. Az qamtylǵan jáne kóp balaly otbasylarǵa arnalǵan áleýmettik kómektiń jańa túrleri engizildi. Mysaly, kóp balaly otbasylarǵa tabysyna qaramaı járdemaqy berile bastady. Jarty mıllıonnan astam azamattyń 300 myń teńgege deıingi kepilsiz nesıesi óteldi. Bul bastamalar halyqtyń turmys sapasyn jaqsartýǵa baǵyttalǵan»,- dedi Q.Toqaev.  

Sońǵy jańalyqtar

Bas teatrdaǵy balalar stýdııasy

О́ner • Búgin, 23:11

Altyn shynjyrdyń sońǵy shyǵyrshyǵy...

Rýhanııat • Búgin, 23:01

Tergeýshilerdiń ustazy ulyqtaldy

Aımaqtar • Búgin, 19:35

Reseı ınvestorlary Atyraýǵa bet burdy

Aımaqtar • Búgin, 16:56

Erteń Úkimet otyrysy ótedi

Úkimet • Búgin, 15:17

Qýatty qurylymnyń shýaqty merekesi

Qazaqstan • Búgin, 14:15

Naýryz aıynda aýa raıy qandaı bolady?

Aýa raıy • Búgin, 13:30

Uqsas jańalyqtar