– Bári birdeı jumys istemeı otyr deýge kelmeıdi, keıbir aımaqtardaǵy jáne ulttyq ýnıversıtetter bul baǵytta júıeli jumystar júrgizip jatyr. Degenmen kóp JOO osy máseleniń naqty sheshimin, tıimdi júıesin qalyptastyra almaı otyrǵanyn moıyndaýymyz kerek. 2021 jyldan bastap sertıfıkattaý engiziledi jáne ár ýnıversıtet memlekettiń emes, óz dıplomyn beredi. Munyń artynda úlken maǵyna jatyr. Ýnıverıstetti, bilim baǵdarlamasyn qalaı tańdaý kerek? Osyndaı mańyzdy suraqtarǵa tolyqqandy jaýap beretin jumys atqarylmaı otyr. Aqparatqa qanyqpaǵan balalar mamandyqty árıne durys tańdamaıdy. Alǵashqy kýrstan keıin nemese 1 semestrden soń stýdentterdiń basqa mamandyqtarǵa aýysyp ketetinin kórip otyrmyz ǵoı. "Atameken" Ulttyq palatasy júrgizgen reıtıng bar, oǵan mán berýimiz kerek. Sol reıtıng boıynsha zertteý qorytyndysy da kóptegen túlekterdiń óz mamandyǵy boıynsha jumys istemeıtinin kórsetip tur, – dedi mınıstr.
