Almaty qalasynyń Tótenshe jaǵdaılar departamenti «О́rt sóndirý jáne avarııalyq-qutqarý jumystary qyzmeti» memlekettik mekemesinde ózge ult ókilderiniń qatysýymen «Memlekettik til – meniń tilim» atty baıqaý ótti.
Almaty qalasynyń Tótenshe jaǵdaılar departamenti «О́rt sóndirý jáne avarııalyq-qutqarý jumystary qyzmeti» memlekettik mekemesinde ózge ult ókilderiniń qatysýymen «Memlekettik til – meniń tilim» atty baıqaý ótti.
Memlekettik tildiń qoldanylý aıasyn keńeıtý, onyń mártebesi men mańyzyn keńinen nasıhattaý, ózge ult ókilderi jastarynyń qazaq tilin bilý deńgeıin kóterý jáne ony oqyp-úırenýge degen yqylasy men qyzyǵýshylyǵyn arttyrý maqsatynda ótkizilgen «Memlekettik til – meniń tilim» saıysyna 30 jasqa deıingi ózge ult ókilderinen 10 qyzmetker qatysty.
Qatysýshylar saıysta «О́zderin memlekettik tilde tanystyrý», maqal-mátelder aıtý jáne memlekettik tilde qujat túrlerin ázirlep, tótenshe jaǵdaı salasyndaǵy termınderge aýdarma jasaý sekildi tapsyrmalardy oryndady.
Sondaı-aq, olar ulttyq kıimder kıip, óz ónerlerin ortaǵa salyp, qazaq halqynyń salt-dástúrin ádemi aıshyqtaıtyn kórinister qoıdy. Osylaı barsha ult ókilderi bir otbasynyń balasyndaı ózara baýyrlasyp, biri tamyljyta án salsa, ekinshisi myń burala bı bılep, endi biri mánerlep jyr oqyp, jınalǵan kópshilikti tánti etti. Baıqaýdyń barlyq talaptaryn jaqsy oryndap, tapqyrlyǵymen erekshe kózge túsken 1-shi órt sóndirý bóliminiń kadrlar tobynyń kishi ınspektory N.Ahmetova 1-oryndy ıelenip, qalalyq deńgeıde ótkiziletin irikteý saıysynda mekemeniń namysyn qorǵaıtyn boldy. Memlekettik tilde jazylǵan isqaǵazdardy aýdarýda belsendilik tanytqan 11-shi mamandandyrylǵan órt sóndirý bóliminiń órt sóndirýshisi N.Iskakov 2-oryndy alsa, qazaq halqynyń salt-dástúrinen kórinis qoıyp, kózge túsken 4-shi órt sóndirý bóliminiń órt sóndirýshisi H.Ilııasov 3-oryndy enshiledi. Sondaı-aq, 6-shy órt sóndirý bóliminiń órt sóndirýshisi S.Beloenko qazaq maqal-mátelderin jatqa aıtyp, kórermen kózaıymyna aınaldy.
Qanat ESKENDIR,
«Egemen Qazaqstan».
ALMATY.
