Bas sanıtardyń málimdeýinshe, Almatyda 19 myńnan astam medısına qyzmetkeri koronavırýsqa qarsy jappaı tekserýden ótken. Sonymen qatar áskerıler men áleýmettik toptaǵy adamdardy da tekserý júrgizilip jatyr. Aldaǵy ýaqytta halyq tolyqtaı COVID-19 qarsy tekserile alady. Búginge deıin Almatyda 77 myńnan astam testi alynǵan.
«Halyqty jappaı testileý bastaldy. Osy kúnge deıin 77 myń testi ótkizilgen. Onyń 22 myńy jedel-test. Qazirgi sátte Almatyda 2 myń testi shyǵarylyp jatyr. Aldaǵy ýaqytta onyń sanyn 3 myńǵa deıin kóbeıtý sharalary júrgizilip jatyr. Karantın rejımi aıaqtalǵanan keıin de oqshaýlaný men qorǵanysh quraldaryn paıdalanýdy álide jalǵastyrý kerek. Qoǵamdyq oryndarda ara qashyqtyqty saqtap, maskany mindetti túrde taǵý kerek», – dedi Almatynyń bas sanıtarlyq dárigeri Jandarbek Bekshın.
Sonymen qatar, jasalatyn testi kólemin ulǵaıtý úshin 10 mobıldi aýrýhana, testiniń nátıjesin jyldam shyǵarý úshin 6 zerthana jumys istep jatyr. Aldaǵy ýaqytta olardyń sanyn 8-ge jetkizý kózdelgen.
Sondaı-aq, bas sanıtar saýda oryndarynda tutynýshy men kassırdiń arasyndaǵy talapty da qatań saqtaýdy eskertti.
ALMATY
