Sý basqan aýmaqtardy ushyp aralap shyqqannan keıin, Túrkistan oblysynyń ákimi О́. Shókeevpen jáne ózbek áriptestermen birlesip, Memlekettik komıssııa sý basqan О́rgebas jáne Fırdoýsı aýyldaryna bardy.
Sonymen qatar Túrkistan oblysy Maqtaaral aýdanynyń aýmaǵyna О́zbekstan tarapynan 100-den astam arnaıy tehnıka (shynjyr tabandy jáne dóńgelekti traktorlar, motopompalarmen jabdyqtalǵan órt sóndirý mashınalary) jáne 200 adam jetkizildi, olardyń ishinde gıdrotehnıka mamandary da bar.
Maqtaaral aýdanyndaǵy jaǵdaımen tanysýǵa Premer-Mınıstrdiń orynbasary Roman Sklıar kelip, oblys basshysy О́mirzaq Shókeevpen birge sý basqan aýyldardy aralap, eldi meken turǵyndarymen kezdesti. Aqsaqaldarmen sóılesip, turǵyndardyń muń-muqtajyn tyńdaǵan memlekettik komıssııa músheleri Myrzakent eldi mekeninde jınalys ótkizdi.
Túrkistan oblysy ákiminiń usynysy boıynsha Memlekettik komıssııa sý basqan aýyldardyń ár turǵynyna 100 myń teńgeden ótemaqy tóleý týraly sheshim qabyldady.
Myrzakent tóńireginde Dostyq, Jańa turmys jáne Jeńis aýyldarynyń turǵyndary qonys aýdaratyn jańa shaǵyn aýdan salynady. Jańa turǵyn úı alabyna barlyq kommýnıkasııa jelisi júrgizilip, balabaqshalar men mektepter salynady.
Sý astynda qalǵan eki aýyl — Fırdoýsı jáne О́rgebas aýyldarynyń azamattaryna oblys ákimi úsh túrli usynys aıtty:
-
Basqa eldi mekende úıler salyp, sol jaqqa kóshý;
-
Sýǵa ketken aýyldaǵy úılerin qalpyna keltirý;
-
Turǵyn úıin ózi qalpyna keltirýge nıet bildirse, tıisti qarajaty aýdarylady.
Bul úsh usynystyń qaısysyn tańdaý turǵyndardyń óz erikterinde bolmaq, olar ortaq jıynda bir sheshimge kelýi tıis.
Aýyl sharýashylyǵy taýaryn óndirýshiler men mal ustaýshylardyń shyǵyndaryn óteý máselesi de sheshildi. Shyǵyn TJ joıý jónindegi shuǵyl shtab komıssııasy júrgizgen revızııa qorytyndysy boıynsha úkimettik rezervten óteletin bolady.
Aýyl sharýashylyǵy nesıeleri boıynsha fermerlerge tólemderdi keıinge qaldyrýǵa múmkindik beriledi.
Aýyl sharýashylyǵy alqaptaryn qalpyna keltirý maqsatynda QR AShM aýyl sharýashylyǵy ǴZI-men birge jerlerdi qalpyna keltiredi jáne bıyl qandaı daqyldardy otyrǵyzýǵa bolatyny týraly usynystar beriledi.
