Qazaqtar da nan pisirgen. Ataýlary da ártúrli. Bólke, kúlshe, toqash, qalash, báter, taba nan, kómesh nan, qolamta nan bolyp kete beredi.
Qazir bizdiń óńirdegi dúkenderge, sýpermarketterge barsańyz da nannyń neshe túri tolyp tur. Tańdaý sizde. Biraq qazaqsha atalatyn nan joq.
Al endi ataýlaryna qarasańyz: Borodınskıı chernyı hleb, rýskıı hleb, Semırechınskıı, Pahomovskıı, Irtyshanka, Grýzınskıı, Iаroslavskaıa, Novoýkraınskaıa, bageta, fıgýrnaıa, saıachnyı, jeleznodorojnyı, ıýjnyı, na syvorotke, stolıchnyı, prezıdentskıı, baton, hala, lepeshka, azerbaıjandyq lavash, romashka, rýletka, domashnıı, belyı hleb, troıka, pekarskıı, saıka, mramornyı jáne basqa tildegi ataýy bar.
Dál bir Reseıde júrgendeısiń. Endi tatarskıı nan degen paıda bolypty.
– Bul nannyń ekinshi aty – kazanskıı, tatarlardyń reseptimen jasalǵan óte dámdi. Al kazahsha nazvanıemen ázirge nan joq, – deıdi satýshy kúlip.
Appaq undy qappen arqalap Qazannan, Borodıno, Iаroslavl, Grýzııadan tasyp ákeletindeı sóıleıdi.
Mysaly, arhıv betterinde Semırechınskıı nan ataýy kazaktardyń kezinen qalǵany jazylady. Pahomovskıı nany 1918 jyly Pavlodar ýezdik sovdepiniń basshysy bolǵan N.Pahomovtyń atymen atalǵany ma sonda? Naýbaıhana da osy kóshe boıynda ornalasqan.
О́zge tildegi kóshe, aýyl, qala ataýlaryn eldik maqsat-múddege saı jańǵyrtýdamyz. Nan ataýlary da sondaı qurmetke laıyq. О́sip kele jatqan órenderimiz qazaq tilindegi nan ataýlaryn bilip óssin.
Jergilikti ákimdik, til basqarmasy naýbaıhanalardan shyǵatyn túrli nandarǵa yrys, bereke, darhan, dastarqan, aq bıdaı, altyn dán, keremet, kádimgideı qara nan, aq nan, dámdi nan degen sekildi ataýlarǵa saı usynys engizgenderi jón bolar edi.
Pavlodar oblysy
