1994 jyly Aqtóbedegi joǵarǵy azamattyq avıasııa ýchılıshede ushqysh-tehnıkterdi daıyndaıtyn Áskerı áýe kúshteriniń áskerı fakýlteti ashylǵany belgili. Alaıda elimizdiń áýe qorǵanys kúshterin bir ǵana oqý ornymen kúsheıtý jetkiliksiz boldy. Nátıjesinde Áýe qorǵanysy kúshteriniń qolbasshysy, armııa generaly Muhtar Altynbaevtyń atsalysýymen Ortalyq Azııa aýmaǵyndaǵy ofıser-ınjenerlerdi daıyndaıtyn tuńǵysh ári birden-bir oqý orny retinde Azamattyq avıasııa akademııasy áskerı fakýltetinen bólinip shyǵyp, 2001 jyly Radıoelektronıka jáne baılanys áskerı-ınjenerlik ınstıtýty quryldy.
Búginde zamanaýı jaraqtalǵan, jattyǵý keshenderimen jabdyqtalǵan aýdıtorııalar men zerthanalarda ofıser-radıoınjenerler 5 mamandyq boıynsha bilim alýda. Áskerı bólimderde dáris beretin ustazdardyń ishinde 4 ǵylym doktory, 10 ǵylym kandıdaty jáne 2 PhD doktory bar. Magıstr akademııalyq dárejesine 110 maman ıe bolsa, qyryqtan atsam maman elimizdiń jáne shet memleketterdiń adıýnktýrasy men magıstratýrasynda bilim alýda. Al ınstıtýt qurylǵannan bergi aralyqtaǵy 18 jylda 2000-ǵa jýyq leıtenant elimizdiń áýe qorǵanys kúshteri jáne ózge de áskerı qurylymdarynyń qataryna qyzmetke ketti.
Instıtýtta Ujymdyq qaýipsizdik kelisiminiń uıymy aıasyndaǵy áskerı sharttarǵa sáıkes Qyrǵyzstan Respýblıkasynyń da áskerı mamandary daıyndalady. Kýrsanttar teorııalyq bilimdi meńgergennen keıin áskerı baılanys tehnıkalarynda, radıolokasııalyq beketterde tájirıbelerin shyńdaý múmkindigine ıe.
Instıtýt kýrsanttary men ofıserler quramynyń oqý tájirıbe alańdaryndaǵy jetistikterin «Saryshaǵan» memlekettik synaq alańy jáne «Jaýyngerlik dostastyq» oqý-jattyǵýlary barysynan, sondaı-aq Otar 40-áskerı bazasynda ótkizilgen oqý-jattyǵýlar barysynan kórýge bolady. Memleket kóleminde ótkiziletin jaýyngerlik jáne áskerı paradtarda da saltanatpen sap túzeıtin kýrsanttar Reseıdiń Voronej, Smolensk, Sankt-Peterbýrg, Iаroslav, Kostroma qalalarynda ótken ǵylymı olımpıadalarǵa belsendi túrde qatysyp, úzdik kórsetkishterge qol jetkizýde. Bolashaq ofıserler, serjanttar jáne kýrsanttar sporttyń ár túrinen Danııa, Shvesııa, Máskeý, Sankt-Peterbýrg, Samara, Ekvador, Qyrǵyzstanda ótken halyqaralyq jarystardan júldeli oryndardy ıelenip júr. Al 10 sport sheberiniń ınstıtýt qabyrǵasynan shyqqany qýantady.
Kýrsanttar patrıottyq sharalardyń da belsendi qatysýshysy. «Patrıot» ǵylymı-debattyq klýby, «Bes Qarý» áskerı-patrıottyq klýby jáne «Barys» áskerı-psıhologııalyq klýbtary qurylyp, qalalyq jáne respýblıkalyq deńgeılerde óner kórsetip júr. 2011 jyldan «Baılanys jigitteri» jáne «Prestıj» kóńildi tapqyrlar klýby jumys istese, jaıdarman kýrsanttar Ulttyq Lıgada úzdikter sapynda júr. Jeke quram áskerı jáne jaýyngerlik paradtarǵa qatysyp, saptyq daıyndyǵy jaǵynan úzdikter qatarynan tabylýda. Instıtýttyń jeke quramy Almaty qalasynda ótkizilgen 28-shi dúnıejúzilik qysqy ýnıversıada barysynda quqyqtyq tártipti jáne qaýipsizdikti saqtaý sharalaryna qatysty.
Kýrsanttar ınstıtýt bazasynda 2017 jyldan bastap ótetin TMD qatysýshy memleketterdiń joǵarǵy bilim berý uıymdary kýrsanttarynyń matematıka páninen halyqaralyq olımpıadasynyń, sondaı-aq «KADEX» Halyqaralyq qarý-jaraq kórmesiniń turaqty qatysýshysy.
Elimizdegi tótenshe jaǵdaılar kezinde ınstıtýttyń 500-ge jýyq áskerı qyzmetshilerinen jasaqtalǵan bólimshelerinde jalpy kólemi 5 mln sharshy metrden astam 4000-nan asa nysandar, onyń ishinde 63 mektep, 48 balabaqsha, balalar alańqaılary, aıaldamalar, emhanalar jáne termınal nysandary zararsyzdandyryldy.
Áskerı ınstıtýttyń jeke quramy ártúrli qoǵamdyq jáne qaıyrymdylyq is-sharalarǵa atsalysýda. Tótenshe jaǵdaı kezinde respýblıkalyq #Bizbirgemiz aksııasy aıasynda áskerı-ınjenerlik ınstıtýtynyń áskerı qyzmetshileri 15 UOS ardageri jáne 5 az qamtylǵan otbasyna qoldaý kórsetti. Conymen qatar qarttar úıi men jetimder úıine baryp qolǵabys etý, merekelik sharalar uıymdastyrý, kógaldandyrý, qoqystan tazartý jumystaryna belsene qatysyp keledi.
