Vırýsty juqtyrǵandardyń biri — Aqkól aýdanynyń 1976 jylǵy turǵyny, ol ózine deıin koronavırýsty juqtyrǵan adammen jaqyn qarym-qatynasta bolǵan. 30 sáýir kúni Aqkól aýdandyq aýrýhanasynyń karantındik stasıonaryna jatqyzylǵan.
Qalǵan eki adam Selınograd aýdanynda tirkeldi. Olardyń biri 2010 jylǵy qyz bala, Qosshy aýylynan, ol da vırýsty juqtyrǵan adammen baılanysta bolǵan. Ákesi Nur-Sultan q. kásiporyn qyzmetkeri.
Ekinshisi Qoıandy aýylynan — 2014 jylǵy ul bala. Úı karantıninde bolǵan. Nur-Sultan q. atalǵan kásiporynmen baılanysty.
Aýrýhanaǵa jatqyzý orny retinde Aqmola oblystyq týberkýlezge qarsy dıspanseri anyqtaldy.
Atalǵan azamattarmen baılanysta bolǵan adamdardy anyqtaý úshin sanıtarlyq-epıdemıologııalyq tergeý jumystary júrgizilip jatyr. Aýrý oshaqtaryn zararsyzdandyrý jumystary qolǵa alynǵan.
Oblys stasıonarlarynda 256 emdelýshi jatyr, olardyń ishinde 17-si provızorlyq stasıonarda, 225-i karantındik stasıonarda, 14-i juqpaly aýrýlar stasıonarynda.
718 adam úı karantıni rejımin saqtap otyr.
Aqmola oblysynda anyqtalǵan 106 adamnyń:
93-i Selınograd aýdany,
4-i Arshaly aýdany,
4-i Kókshetaý qalasy,
2-i Shortandy aýdany,
2-i Aqkól aýdany,
1-i Egindikól aýdanymen baılanysty.
