Aýrýhanalardyń shamadan tys júktelýi men dárigerlerdiń jetispeýshiligi jaǵdaıynda barlyq áıelder júktilik kezinde jáne bosaný kezinde kútim jasaýǵa quqyly. COVID-19 pandemııasy Densaýlyq saqtaý júıesine úlken salmaq salyp otyr. Ásirese, bul jaǵdaı júkti áıelderdiń jaǵdaıyna qatty áser etip otyr. IýNISEF osy oraıda daǵdarys kezinde bolashaq analardy kúrdeli jaǵdaılar kútip turǵanyn eskertýde.
Oqshaýlaý, karantın, komendanttyq saǵat, medısınalyq mekemelerdiń shamadan tys tolýy, medısınalyq jabdyqtardyń tapshylyǵy, bilikti mamandardyń jetispeýshiligi, osynyń barlyǵy olardyń densaýlyǵyna qaýip tóndiredi. IýNISEF atqarýshy dırektory Genrıetta Foreniń aıtýynsha, bolashaq analar medısınalyq mekemelerge barýdan qorqady nemese medısınalyq qyzmetterge degen suranystyń joǵary bolýyna jáne olardy oqshaýlaý sharalaryna baılanysty jedel járdem ala almaıdy.
Boljamdarǵa sáıkes, AQSh-ta 16 jeltoqsan men naýryz aralyǵynda 3 mln-nan astam bala dúnıege keledi. Nıý-Iorkte bılik balama perzenthana ortalyqtaryn qurý baǵytynda jumys isteýde. О́ıtkeni kóptegen júkti áıelder aýrýhanalarda bosanýdan qaýiptenedi.
Pandemııa jarııalanǵannan keıin 9 aı ishinde Úndistanda 20 mıllıonnan astam bala týylady. Osy kezeńde Qytaıda 13,5 mıllıon bala, Nıgerııada - 6,4 mıllıon, Pákistanda - 5 mıllıon jáne Indonezııada - 4 mıllıon bala dúnıege keledi. Osy elderdiń kópshiliginde buryn da neonataldyq ólim-jitimniń joǵary kórsetkishteri bolǵan. Sarapshylar COVID-19 jaǵdaıynda olardyń ary qaraı ósip-jetilýiniń qaýpin eskertedi. IýNISEF-te COVID-19 pandemııasy kezinde júkti áıelderge kómek kórsetý boıynsha birqatar usynystar jarııalady.
Sarapshylar osy kúrdeli kezeńde ana bolýǵa daıyndalyp jatqan barlyq áıelderge jáne jańa týǵan nárestelerge joǵary sapaly kómek kórsetýdi qamtamasyz etýge shaqyrady. Olar medıkterdi jáne bosanatyn áıelderdi qajetti jeke qorǵanysh quraldarymen qamtamasyz etýdi, sondaı-aq dárigerler men akýsherlerge múmkindiginshe júkti áıelderge úıge barýǵa jáne ásirese shalǵaı aýdandarda turatyn áıelder úshin telekonsýltasııalar belsendi túrde ótkizýge keńes beredi.
