«Ushaqpen saparlaýdy tańdaǵan jolaýshylar arasynan aýrýdyń jasyryn belgileri anyqtaldy. Sondyqtan testileý sharalary kerek dep sanaımyz. Keshe bir jaǵdaı tirkeldi. Aqyly testileý aıasynda osy aptada 10-ǵa tarta indet juqtyrǵan adamdy anyqtadyq. Táýligine elimiz boıynsha 15 myń test jasalady. Testileý nátıjesinde ınfeksııanyń taralyp jatqandyǵy kórinip otyr», - dedi Eljan Birtanov.
Mınıstrdiń aıtýynsha indet juqtyrǵandardyń 85 paıyzy jeńil jáne sımptomsyz jaǵdaılar.
«Barsha aýrýlardyń jartysyna jýyǵy sımptomsyz. Bul adamdar aýyrmaıdy, ózderi emdeledi. Alaıda olar aýrýdy basqa adamdarǵa juqtyrýy múmkin», - dedi ol.
